Веганска пита

Состојки:

• 7 парчиња готови кори за бурек, без јајца
• 200 гр. кромид
• 400 гр. компир
• 500 гр. тиквички
• 100 гр. свежо или чадено тофу
• 3 лажици соино млеко
• 2 лажички соја сос
• масло
• сол
• морско оревче
• куркума

Подготовка:

Исчистете, излупете го и нарендајте го сиот зеленчук. Посолете го добро и оставете го 5 минути. Вклучете ја рерната на 180°C. Исцедете го зеленчукот со раце, за да го отстраните вишокот на течноста. Додадете им ги тофуто и морското оревче. Потоа секоја кора премачкајте ја со масло, ставете од филот и свиткајте ја како палачинка. Редете ги во претходно подмачкан со масло плех. На крај, премачкајте ги сите кори со масло и со соино млеко. Одозгора наросете со куркума. Печете ја питата околу 35 – 40 минути.