Советите на Гунар Петерсон – тренерот на најпознатите холивудски ѕвезди и светски познати личности

Гунар Петерсон не е само еден од врвните тренери во Холивуд – тој е светски врвен тренер. Поседува сертификат од Меѓународната асоцијација за сила и кондиција. Има дипломирано на Универзитетот Дјук и зад себе има повеќе од 20-годишно искиство во фитнес индустријата и редовно ги нуди своите експертски совети во бројни публикации и телевизиски настапи. Погледнете некои од неговите совети за врвен тренинг и нутриционизам.

П: Кој е правилниот распоред за вежбање на нозете во теретана?

О: Зависи како гледате на тоа, можете да пробате голем број пристапи: прво да започнете со поголемите мускулни групи, прво со комбинирани вежби, прво со одредена група мускули или, пак, прво да се фокусирате на проблематичните делови од телото кога имате повеќе енергија и т.н. и т.н. Обидете се прво со еден од овие, потоа сменете го, па сменете го, па сменете го повторно. Обратете внимание и видете како ќе ви одговара и тргнете од таму. “T3”– Try, Then Trust (Пробај, Потоа Верувај!)

П: Колку често треба да ги тренирате задните мускули на нозете? Дали еднаш неделно е доволно? Задните мускули на нозете болат ако се вежбаат само еднаш во неделата. Дали е тоа нормално?

О: Зависи од целите кои сакате да ги постигнете и од интензитетот со кој тренирате! Ако ги уништите, еднаш неделно може да биде доволно. Ако трчањето е примарна компонента од вашиот фитнес режим, ќе кажам да се тренираат со помал интензитет и да се вежбаат два пати во неделата, со цел да одбегнете голем дисбаланс помеѓу задните мускули на нозете и квадрицепсите. Протоа треба да додадете вежби кои ќе го истакнат опсегот на движења како и експлозивноста. Комплексните мускулни групи се како комплексна жена – прво треба добро да размислите пред да пријдете.

П: Работам ноќна смена, така што спијам во текот на денот. Можете ли да ми понудите некаков совет како да се хранам здраво и кога е најдоброто време да се придржувам до овој распоред?

О: Јас почнувам да вежбам штом ќе станам. Но, тоа сум јас. А имам пробано многу пристапи. Тоа ме тера да направам подобар избор на храната и да си легнувам навреме за добро да се наспијам. Колку подолго чекам, толку се поголеми шансите се да расипам и да одберам поинаков начин во сето тоа. Што се однесува до твојата диета, држи се до вообичаениот план – појадувај кога ќе станеш, а не кога часовникот ќе каже дека е утро. Тоа јас го правам кога мојот распоред е свртен наопаку. Така јас правам… и во право сум…

П: Тренирам околу година дена и, што и да правам, не можам да чучнам многу ниско. Што да направам?

О: Прво мораш добро да ги истегнеш листовите на нозете, колковите и Ахиловите пети. Во листовите се наоѓа најголемиот мускул (gastrocnemius), и долниот мускул (soleus). Обратете внимание и на двата при истегнувањето. Обидете се да ги раширите колку што можете најмногу колковите. Работете на раширено истегнување така што ќе се придржувате за нешто на секоја страна и полека ќе се спуштате надолу, обидувајќи се да бидете прогресивно пониско. Фокусирајте се на дишењето како што ќе се спуштате подолу. Колку и да се чувствувате дебалансирано, направете го тоа подеднакво и на двете страни. Вежбајте ги Ахиловите пети, бидејќи и тие се дел од синџирот и многу често се запоставени.