Сиров вегански ролат со малини
Потребни состојки:
- 200 гр. урми (без семки)
- 100 гр. мелен рогач,
малини (наместо малини, може да се користат јагоди, цреши, банани, јаболки, портокали или овошје по желба)
Уште ќе ви треба и:
- хартија за печење
- сукало
- нож и даска за сечење
- блендер
Подготовка:
Ставете ги урмите и рогачот во блендер и мелете ги додека не се соединат убаво. Ставете еден лист хартија за печење во плех за печење и врз него ставете ја смесата од урми и рогач. Врз неа ставете уште едно парче хартија и со сукало формирајте правоаголен облик од смесата. Отстранете го горното парче хартија и израмнете ги рабовите. Ставете ги малините одозгора и свиткајте ролат.. Оставете го ролатот околу еден час во фрижидер. Исечете го и послужете.
Добар апетит!