Кои се крадци, а кои помагачи на сонот?

Сите ние понекогаш имаме проблеми со сонот. Меѓутоа, може да се случи тоа да прерасне во вистинска несоница. Хроничната потешкотија на паѓање во сон или станување во сон може да ви го украде одморот кој и тоа како ви е потребен, а и способноста за концентрација. Кога често останувате ускратени за сон, немојте да бидете изненадени ако почнете да се чувствувате раздразнети, исцрпени и нерасположени.
Несоницата е сигнал со кој телото ве предупредува дека нешто не е како што треба, односно дека е нарушена телесната рамнотежа. Некои лекови и болести можат да бидат причина за тоа. Меѓутоа, несоницата често не е последица од здравствени проблеми. Несоницата е проблем сам по себе, а некои ситуации, како што е хроничниот стрес, можат да ја предизвикаат. Причина може да биде и нешто што сте јаделе. Размислете за своите навики во исхраната. Доколку направите неколку измени, можеби ќе го одложите чувството на замор и немир за некој друг ден.

Сонот е комплициран процес. Затоа и не постои посебна волшебна ,,состојка за мирен сон,,. Едноставната правилна исхрана би требала да му помогне на телото во текот на сонот подобро да се одмори. Значи, постојат некои намирници кои го отежнуваат сонот, а постојат и оние кои го олеснуваат.

Крадци на сонот

– Кофеинот телото и умот ги држи презафатени за да можат да се опуштат и да пропаднат во мирен сон. Плаирајте ги своите паузи за кафе порано во текот на денот и внимавајте на скриените извори на кофеин, како што се кока-колата, чоколадата и храните со вкус на чоколада (сладолед, шејкови и т.н).

– Алкохолот можеби ве прави поспани, но тој е исто така одговорен и за прекин на сонот и за немирен сон. Одбегнувајте алкохол и кофеин 4 до 6 часа пред да одите на спиење.

– Пиењето премногу течности доцна навечер во текот на денот ќе ве натера повеќе пати да станувате во текот на ноќта. И обилните оброци и грицки доцна навечер можат да ве натераат да имате немирни ноќи. Посебно одбегнувајте намирници богати со протеини, масти и шеќери. Лутата храна може да предизвика киселини и отежнато варење, а ни едниот ни другиот симптом не се добри пријатели на сонот.
Помагачи на сонот

За храната да му помогне на сонот, мора да исполни барем еден од овие два услови: да ви помогне побрзо да заспиете или да обезбеди помирен сон. Триптофанот е аминокиселина која телото го претвора во мелатонин и сератонин, две соединенија со смирувачко дејство. Консумирајте храна која содржи триптофан, како што се млечните производи и производите од соја, морски плодови и јајца. Тој не делува веднаш. Потребно му е барем еден час.
Ако се обидувате да легнете набрзо по оброците, со надеж дека ќе заспиете, вашето тело ќе треба да се бори и против гравитацијата додека ја вари храната. Варењето е тежок процес, а најдобро се врши во вертикална положба! Ако сепак успеете да заспиете во хоризонтална положба, ќе бидете разбудени од киселини и гасови. Од друга страна, одењето во кревет со празен стомак исто така ќе ве држи будни.
Затоа, јадете неколку часови пред да си легнете. А, кофеин, чоколада и други производи со кофеин пијте барем шест часа пред времето за одење во кревет.