Како на себе и на другите да им го разубавите денот?
Како го започнувате новиот ден? Уморно, несреќно, под стрес, лути сте или пак сте полни со енергија, среќни, мотивирани и благодарни додека го поздравувате новото утро? Ако започнете со негативни мисли и чувства , дали им допуштате да и понатаму се развиваат во текот на денот? Дали дозволувате она што луѓето ќе го кажат значајно да вијае на вашето расположение?
Од скоро секој ден можете да направите прекрасен ден, само доколку сакате. Се што треба да сторите е да направите избор за тоа вашиот ден да биде прекрасен ден и да е дозволите ништо да влијае на оваа ваша одлука.Тоа можеби нема да биде лесно во почетокот, но потрудете се и ќе успеете.
Можете да изберете да:
-Започнете го денот со позитивни мисли. Разбудете се со позитивни мисли. Заблагодарете се на дарот наречен живот. Насмејте се на себеси во огледалото, истуширајте се, растегнете се и вдишете чист воздух, ако сакате можете да медитирате или да се помолите. Појадувајте здраво и на мира.
-Не очекувајте неугодни задачи и обврски, верувајте дека можете да направите се лесно и успешно, верувајте дека сте способни.
-Прочитајте неколку инспиративни цитати пред да заминете на работа.
-Бидете пострпливи и повнимателни додека возите автомобил. Слушајте весела и инспиративна музика или снимени мотивирачки предавања.
-Кога и да одговара, насмевнувајте се почесто. Бидете љубезни. Одете и зборувајте со самодоверба. Пофалете ги другите.
-Пронајдете време за себе во текот на денот за да ги правите работите кои сакате да ги правите.
-Слушајте музика која ве прави среќни. Фините звучни вибрации, а особено духовните песни, мантрите и релаксирачката музика често имаат подигнувачки и инспиративен ефект на раположението и состојбата на умот. Музиката влијае на свесниот и несвесниот ум и делува како моќна позитивна афирмација.
-Секогаш гледајте на светлата страна на животот! Гледајте позитивно на секоја ситуација, без оглед на тоа колку таа е незгодна!
-Доколку се најдете опкружени со негативни и обесхрабрувачки луѓе можете да а) се потрудите да ја смените темата, б) љубезно да се извините, да станете и да си заминете, с) ако не можете никако да отидете, повторувајте ги позитивните афирмации во умот.
-Отидете малку порано да спиете, опуштете се со добра инспиративна книга и топла бања, послушајте некоја убава музика и заблагодарете се на уште еден прекрасен ден,
Значи, се што е потребно е промена на ставот. Кога својот ден ќе го направите убав, тоа исто така ќе влијае и на тоа и другите да имаат убав и пријатен ден. Вашите позитивни вибрации влијаат на умот, телото и аурата на другите луѓе. Кога сте вие среќни, ги усреќувате и другите и донесувате светлина во денот, па несвесно чините и другите да имаат поубав ден.



