4 вежби за подигање на градите

Склековите не се единствената можност за подигање на градите. Јакнењето на мускулите под градите ќе го подобри нивниот изглед и визуелно ќе ги направи да изгледаат поголеми. Да бидеме искрени, овие вежби сигурно нема да ви ги направат градите поголеми за два три броја, но како и кај многу други жени кои ретко ги тренираат градите, на природен начин ќе им додадете малку екстра ,,силина,,.

Следниве вежби ги има осмислено Комас Кек, посебно за жени. ,,Вежбањето на градите од разни агли и со одредени тегови е доволно за да се создаде стимул за јакнење на градните мускули, вели Комас. ,,А вежбите можат да им дадат преубав облик на градите.,,

За да биде ефикасен овој план, клучот лежи во следново: Погрижете се да одберете тегови кои се особено многу тешки. Треба да почувствувате дека можете да направите 2 повторувања по секоја серија на вежби, но не повеќе. Важно е да се предизвикате самите себеси со колку што може потешки тегови, за да можат мускулите да растат. Практикувајте ја оваа рутина два пати неделно и ќе добиете фантастични резултати.

ВЕЖБИ:

1. Легнете на клупа со исправени раце, додека во секоја рака држите по еден тег. Рацете свикувајте ги кон себе се додека не ви дојдат до рамената, а потоа вратете ги во првобитната положба. Повторете ја вежбата 10 пати и веднаш започнете ја другата, без пауза.

2.Заземете положба како на сликата. Рацете нека ви бидат поставени малку пошироко од ширината на рамената. Спуштајте се до долу, колку што можете пониско. Направете 10 склекови и потоа направете пауза од по 90 секунди.

Пред да преминете на 3 вежба, повторете ги првата и втората вежба по два пати. Направете пауза од 90 секунди и потоа преминете на третата вежба.

3. Легнете на клупа, чија накосеност сте ја наместиле на 15-30 степени. Ако немате ваква клупа, можете оваа вежба да ја правите и надвор на обична клупа или едноставно легнете на под. Принципот е како и кај првата вежба, рацете испружете ги пред себе, во секоја рака држете по еден тег. Потоа спуштајте ги полека до градите, направете мала пауза (и понатаму држете ги теговите на истото место) и пак испружете ги рацете во првобитната положба. Повторете ја вежбата 10 пати и без одмор преминете на четвртата вежба.

4. Легнете на клупа, стапалата нека ви бидат рамно поставени на подот. Заедно со теговите, ставете ги рацете во положба прикажана на сликата – во висина на градите, со малку свиткани лакти. Од таа положба спојувајте ги рацете пред себе, без да ги ротирате теговите. Направете ја вежбата 10 пари и потоа одморете 90 секунди.

Повторете ги третата четвртата вежба и со тоа ќе го завршите вежбањето.