ПРВ ДЕН: Пијте зелен чај

Овој моќен пијалок содржи неколку силни антиоксиданси кои го намалуваат холестеролот, а можат дури и да го намалат и крвниот притисок. Ставете во вода три вреќички зелен чај, покријте ги и оставете ги да отстојат 10 минути. Тргнете ги и оладете го чајот. Ако сакате, додадете мраз и пијте го во текот на денот.

ВТОР ДЕН: Проверете ги налепниците на намирниците за да ги откриете нездравите масти

Возрасните кои ги читаат натписите на храната внесуваат двапати помалку калории од маснотиите од оние кои не ги читаат, тврди едно истражување. Кога се работи за здравјето на срцето, тоа е важно. И уште поважно, потрудете се да внесувате здрави мононезаситени масти (од маслиново масло, јаткасто овошје, темна чоколада, авокадо) и полинезаситени масти (од лосос, ленено масло, ореви).

ТРЕТ ДЕН: Гответе како Италијанци

Користете маслиново масло, кое е богати со мононезаситени масни киселини секојпат кога е тоа можно. Здравите масти го намалуваат ,,лошиот,, ЛДЛ холестерол, а го зголемуваат ,,добриот,, ХДЛ холестерол. Маслиновото масло е исто така богато со антиоксиданси, кои можат да помогнат да се намали ризикот од рак и други хронични болести, како што е Алцхајмеровата болест. Путерот заменете го со маслиново масло, додавајте го во салати и користете го многу често.

ЧЕТВРТ ДЕН: Одвојте време за спиење

Секој дополнителен час сон кај возрасните од средно доба може да помогне да се намали ризикот од болести на коронарните артерии за 33%, извести списанието Journal of American Medical Association. Кога спиете премалку телото го испушта хормонот на стрес кој ги стега артериите и предизвикува воспаление. На повеќето возрасни потребни им се 7-8 часа сон за да можат добро да функционираат.

ПЕТТИ ДЕН: Започнете го утрото со сок

Сокот од портокал содржи фолна киселина која помага да се намали нивото на хомоцистеин, аминокиселина поврзана со поголем ризик од срцев удар. Сокот од грозје е богат со ресвератрол и флавоноиди, моќни антиоксиданси кои можат да ги обесхрабрат црвените крвни зрнца да создаваат тромбови. Одбирајте 100% овошни сокови за да го ограничите вишокот на шеќер.

ШЕСТТИ ДЕН: Јадете јаткасти плодови

Истражувањата откриле дека оние кои јадат повеќе од 14- гр. ореви неделно ја намалуваат веројатноста за добивање срцеви болести или срцев удар за една третина. Само немојте да претерате со јаткастите плодови, бидејќи содржат многу калории и масти.

СЕДМИ ДЕН: Шетајте 20 минути дневно

Само 2,5 часа вежбање неделно (тоа е нешто повеќе од 20 минути дневно) може да ја намали веројатноста од срцев удар за една третина.

ОСМИ ДЕН: Променете ја својата рутина

Маслиновото масло е идеално за натопување парле леб, но ако морате да користите некое друго, одберете го она кое содржи стероли. Додавањето на 2гр. од овие соединенија во секојдневната исхрана може да помогне да се намали холестеролот за 10% и тоа за само 2 недели.

ДЕВЕТТИ ДЕН: Семе од лен

Лененото семе е еден од најдобрите извори на омега – 3 мастите. Истражувањата покажуваат дека додавањето семе од лен во исхраната може да го ублажи развојот на болести на срцето за 46%.

ДЕСЕТТИ ДЕН: Земајте витамин Д и рибјо масло

Единствениот додаток во исхраната кој работи против смртта од срцеви заболувања е рибиното масло. Омега – 3 масните киселини го стабилизираат срцето, го снижуваат крвниот притисок и триглицеридите и го забавуваат насобирањето на артерискиот плак. Витаминот Д има широк спектар на здравствена корист, меѓу кои е и здравјето на срцето. Неодамнешните истражувања покажуваат дека премалото внесување може да го зголеми ризикот од периферна артериска болест за 80% и да го зголеми ризикот од развивање на дијабетес.

 

Вљубеничка во здравата исхрана и науката, сака да чита литература од разни жанрови и обожава медицина