Италијанска супа од зеленчук
Состојки:
2 главици кромид
2 моркова
4 снопчиња целер
1 лажица маслиново масло
2 лажици шеќер
4 чешниња лук
2 лажици доматно пире
2 дафинови листови
неколку гранчиња мајчина душица
3 тиквички
400 гр. грав
400 гр. исецкани свежи домати
1.2 литри зеленчукова бистра супа
100 гр. пармезан
140 гр. тестенини (по избор)
Подготовка:
Исецканиот кромид се динста заедно со исецканите морков и целер околу 20 минути на маслиново масло. Им се додаваат шеќерот, лукот, доматното пире, гравот, тиквичките ситно исецкани, дафиновите листови и мајчината душица. Се вари околу 5 минути на средно силен оган. Потоа им се додаваат свежите домати и топлата зеленчукова супа. Се вари уште 20 минути. На крај им се додаваат 50 гр. пармезан и тестенините. Се вари уште 8 минути. Со останатиот пармезан се поросува готовата супа послужена во чинија.


