Како да ги надитрите хормоните на гладот?

Летаргично попладне, грицкање пред компјутер (солено, па благо, па пак солено)стомак што гргори (иако само што ручавте) се одлични предуслови за плус килограми и разјадена волја. Соочувањето со препреките што стојат на патот на витката линија е многу повеќе од применување на самоконтрола- Што и кога ќе јадете зависи од хормоните чие лачење е предодредено од вашата биологија и однесување. Еве како да ги зауздате 4-те најголеми фактори за глад.

Хормон на гладот : Лептин

Именуван од грчкиот збор leptos, што значи “тенок”, лептинот се произведува од страна на белите масни клетки и се ослободува во крвотокот додека јадете. Кога телото функционира правилно, тоа ви кажува кога треба да престанете да јадете. Луѓето со прекумерна телесна тежина, можат да продуцираат вишок на лептин и може да развијат отпорност кон хронично високите нивоа. Нивниот мозок ги игнорира сигналите за ситост, па затоа се гладни и после јадењето.

Што можете да направите : Редовното вежбање, особено вежбањето со умерено до високоинтензивно темпо -може да помогне во тоа нивоата на лептин да дојдат до едно нормално ниво, според една студија од Техеран Универзитетот во Иран, како и ноќното спиење од седум до осум часа . За лицата кои имаат развиено отпорност кон лептин, истражувањето покажува дека може да биде од помош електроакупунктрата (која користи игли кои спроведуваат мали нивоа на електрична струја), која помага во спуштање на нивоата на лептин и го потиснува апетитот.

Хормон на глад : Грелин

Грелинот- хормон комплементарен на лептинот, е познат како хормон на апетитот; кога нивоата на лептин се ниски како на пример, кога не сте јаделе некое време- нивоата на грелин се високи. По оброкот, нивоата на грелинот се намалуваат и обично остануваат ниски за период од неколку часа додека се вари храната во дигестивниот систем.

Што можете да направите : Истите навики кои помагаат во контролата на нивоата на лептин-спиењето и секојдневното вежбање- можат да ги задржат нивоата на грелин на нормално ниво. Една студија, објавена во списанието „Клиничка наука“, исто така, утврдила дека исхраната богата со протеини го потиснала овој хормон на апетит подолго од исхраната богата со масти. Суплементот кој служи како помош при слабеењето Vysera-CLS ( приближно околу 99 $ за еден месец ), исто така, може да помогне во одржувањето на нивоата на грелин привремено – како и да помогне да се стабилизира нивото на шеќер во крвта после јадење, давајќи чувство на ситост .

Хормон на гладот : Кортизол

Стрес хормонот се продуцира како дел од одбранбениот систем на телото при телесни или емотивни трауми. Може да обезбеди привремен наплив на енергија и живост, но исто така ја поттикнува желбата за јаглехидрати и високомасни оброци (во превод- брза храна). Кога нивоата постепено опаѓаат, кортизолот предизвикува калориите да се складираат околу половината што води до ризичниот масен стомак што тесно се симнува.

Што можете да направите : Најдобриот начин да го задржите кортизолот на нормално ниво ? Кулирајте. Истражувањата покажуваат дека техниките за релаксација како медитација, јога и слушањето мирна музика, го редуцира стрес хормонот. Или пак применете едно друго брзо решение- Студијата на еден лондонски универзитет откри дека луѓето изложени на стрес кои редовно пијат црн чај, имале пониско ниво на кортизол за 20 проценти за разлика од оние кои добиле плацебо напивка. Во друга студија на австралиски научници, пак, се вели дека луѓето кои џвакале мастика имале 12 проценти пониско ниво на стрес за разлика од оние што немале таква навика.

Хормон на гладот : Естроген

Секс хормоните варираат во текот на месецот, во зависност од месечниот циклус и од тоа дали користите апчиња за контрацепција. Генерално, естрогенот е на најниско ниво на првиот ден од месечниот циклус. Се искачува во наредните две неедели, па опаѓа во третата и четвртата недела од циклусот. Опаднатото ниво на естроген предизвикува и пад на нивото на серотонинот, а покачување на нивото на кортизол, па можно е да бидете нерасположени и погладни, а тоа води до нагласена потреба за масни варијанти.

Што можете да направите : Немојте да мечтаете дека некогаш ќе се ослободите од ПМС симптомите, еднаш во месецот ќе имате потреба од нездрава храна. Единствен начин да воспоставите баланс меѓу хормоните и да го задоволите апетитот е да почнете да јадете комплексни јаглехидрати како паста од цело зрно, кафен ориз и грав.