vezbi-za-voda_2

 

Вежбите во вода, во споредба со оние кои се работат во затворен простор, имаат многу предности. Најпрво, во базенот или во морето имаме мали шанси да се повредиме, вежбањето е попријатно и има ефект на масажа, реквизити не ни се потребни, а бидејќи водата пружа природен отпор, ние ги ангажираме и рамномерно ги оптеретуваме сите мускули. Водата е добра за кардиоваскуларното здравје, со вежбање во вода ќе согориме двојно повеќе калории отколку со вежбањето на суво, а половина час вежбање во вода е исто како и два часа вежбање на копно. Во вода не ги преоптоваруваме лигаментите, зглобовите и ‘рбетот, бидејќи ненадејни движења и повреди не се можни. Поради сето ова, вежбањето во вода им се препорачува и на децата, бремените жени и луѓето кои се опоравуваат од некои повреди. Се разбира, ако сакате да постигнете подобри резултати, секогаш можете да употребите и по некој реквизит како што е шише за вода или помали тегови.

Во вода сме десет пати полесни, што ни овозможува движења какви што не би можеле да направиме на копно. Иако ни се чини дека не е толку исцрпувачки, тоа не е точно. Водата ни обезбедува од 12 до 14 проценти повеќе отпор од воздухот. Ова значи дека се движиме низ неа како на копно, но како да имаме тегови. Благодарение на активностите во водата се трошат многу калории. За 30 минути пешачење по копно се губат 135 калории, додека за исто време во вода се согоруваат 264 калории. Слично е и со трчањето- 240 калории се согоруваат на копно, а во вода дури 340 калории. Колку водата е подлабока, толку и нашето движење е потешко, а со тоа и поефикасно. Прво испробајте која длабочина ви одговара за движење со отпор. Во текот на одењето со раце бранувајте ја водата и буткајте ја или потиснувајте ја. Одете исправено, а во исто време стегнете ги стомакот и мускулите на грбот. Ако сакате да согорите дополнителни калории, за време на одењето, сменете ја својата насока – движете се на страна, наназад или одеднаш променете ја позицијата на движење.

vezbi-vo-voda11

 

Треба да започнете со вежби за загревање, во траење од 5 минути, а потоа постепено да преминете кон вежби во вода кои може да траат од 20-45 минути, со пауза за одмор. По 20 минути вежбање, не заборавајте да испиете половина чаша незасладена течност.

Со помош на вертикални вежби во вода ги зацврснувате мускулите, затоа што тогаш отпорот на водата е за 75 отсто поголем отколку кога пливате хоризонтално. Во вертикални вежби спаѓаат пешачењето и трчањето во вода, аеробик, јога, длабоки вежби … Кога вежбате во вода, рамнотежата одржувајте ја со рацете, затегнете го стомакот за ‘рбетот да остане исправен, и нежно повлечете ги колковите навнатре.

Масните наслаги од бутовите ќе ги елиминирате доколку после 20 минути трчање напред -назад во водата, направите неколку скокови додека нозете ви се споени, а потоа направете и неколку скокови додека нозете ви се позиција на расчекор. За ова време работете и со рацете и веслајте.

Стомакот ќе го затегнете на следниот начин : свртете се со грб и фатете се за работ на базенот, така што ‘рбетот ќе ви биде на ѕидот на базенот. Исправете ги нозете и во оваа позиција 20 пати направете “ножички ” и потоа 20 пати движете ги нозете од страна на страна.

За елиминирање на целулитот треба со лицето да сте свртени кон работ на базенот и нежно да се потпрете на рацете. Наизменично движете ги нозете на страна, па благо свиткајте ги колената. Сето ова правете го енергично.

Aко ве мрзи да вежбате, тогаш пливањето е одлично решение. Тоа е една од најздравите физички вежби, со помош на која се активираат бројни мускулни групи. Пред да одлучите со која брзина ќе пливате, одредете должина од 25-30 метри и потоа обидете се да ја препливате во една минута. Така најдобро ќе знаете колку калории ќе согорите. При тоа добро е да се знае дека личност од 75 килограми, која плива просечно брз краул (25 метри во минута), губи 140 калории за половина час. Со брзина од 50 метри во минута, истотата личност за половина час може да изгуби и 250 калории.