Меѓу холивудските ѕвезди, кои трагаат по нови начини на вежбање, во последно време се популарен е пилоксингот. Станува збор за фитнес вежби кои се комбинација на пилатес и бокс. Зачетник на овој нов вид на фитнес вежбање е Вивика Јенсен, шведска бодибилдерка и танчерка, чие студио во Лос Анџелес го посетуваат многу познати ѕвезди од светот на филмот, музиката и модата. Многумина предвидуваат дека според својата популарност пилоксингот ќе ја надмине зумбата. Погледнете во продолжение за што се работи.

Ао барате вежба која бара многу енергија, која ќе ви го подигне расположението и ќе ви даде нов, секси изглед, тогаш пилоксингот е дефинитивно за вас. И пилатесот и боксот влијаат на затегнувањето и обликувањето на стомачните мускули, а за популарноста на оваа фитнеАс вежба придонесува и комбинацијата од кардио вежби со период на активен одмор. Значи, вежбите се практични и, што е најважно, ефикасни. Со оваа нова активност можете за еден час да согорите од 500 до 900 калории! Но, тоа не е единствената полезност. Пилоксингот истовремено ја подобрува брзината, свитливоста, подвижноста, со него полесно се губат килограмите, се обликува телото, се јакне самодовербата и се зголемува нивото на сератонинот. Мотото на пилоксингот е ,,затегнати, секси, моќни,,. Овие три збора недвосмислено укажуваат на се што се постигнува со овој вид на фитнес.

Како начин на вежбање, пилоксингот е осмислен воглавно за оние жени кои сакаат на забавен начин да согорат калории, да го зајакнат телото, да добијат вретенести мускули и на крај да се чувствуваат моќно. На некој начин, ваквиот начин на вежбање ги спојува во едно боксот, пилатесот и танцот и создава посебна високоенергетска, многу интензивна вежба која ќе согори најголем можен дел од калориите во што пократок временски рок.

Зошто да се проба?

Програмата на пилоксингот е осмилсена така што да влијае и на физичкото и на умственото здравје. Тој не ги согорува само калориите, туку гради кај жените нова самодоверба и прави да се чувствуваат добро во сопствената кожа.

Движења кај пилоксингот

Ако сакате овој вид на вежбање да го испробате дома, обидете се со некое од овие движења.

 

piloxing111

 

Движења за јакнење и топење на масните наслаги од критичните места.

Застанете во стартна положба во гард, со собрани тупаници, поставени веднаш до јаболчните коски на лицето, стапалата нека ви бидат раширени, а колената свиткани. Полека почнете да го виткате едниот колк кон навнатре и со левата рака испратете удар кон десната страна, а десната пета подигнете ја од подот (прстите остануваат на подот).

Вратете се во стартната положба и повторете го истото со другата рака. Повторете по 32 пати со секоја раце.

Движење за затегнување на рацете и задникот.

 

piloxing211

 

Застанете исправено, малку свиткајте ги колената. Затегнете ги мускулите на рацете и испружете ги пред себе во висина на рамењата. Подигнете ја левата нога кон нанапред, затегнете го стапалото, така што нозете да ви бидат под агол од 45 степени.

Потоа полека движете ги рацете како да кревате тегови, а ногата кревајте ја се додека нозете не ви бидат под агол од 90 степени и враќајте ги под агол од 45 степени. Ногата никако немојте да ја спуштате на подот. Направете по 16 повторувања со секоја нога.

Движење за затегнување на надворешниот дел на бутот и задникот.

Ставете ја десната подлактица на под, веднаш под рамењата, а раката свиткајте ја под агол од 90 степени. Свиткајте го десното колено и спуштете го на под. Левата нога ја подигате високо во страна и правите мал круг кон нанапред, па кон наназад. Со левата рака се потпирате на подот само со врвовите од прстите. Направете по 16 кругови кон нанапред и исто по толку кон наназад со секоја нога.

Во продолжение погледнете го видеото како изгледа еден тренинг по пилоксинг.

Вљубеничка во здравата исхрана и науката, сака да чита литература од разни жанрови и обожава медицина