Иван Наунов е фитнес модел кој се занимава со фитнесот од својата 18-година.Денеска ќе ви ги открие неговите тајни.

1.Колку време е потребно да се изгради вакво тело?

За да се добие ваква конституција не зависи само од вложеното време туку и од многу други фактори како што се генетските предиспозиции, внесот на храна во организмот, типот на вежби, начинот на кој тие се прават и други. Во принцип, доколку се има добра мотивираност и малку време, успехот доаѓа порано или подоцна.
Моите вежби и тренинзи ги почнав од свои 18 години каде што почнав со своја тежина да вежбам на отворено (Calisthenics), па така ја развивав својата флексибилност и издржливост.
Сега се фокусирам на фитнес, малку поголеми тежини и градење на уште подобра дефиниција. Целта на сето ова е да одржувам здрав живот при што ќе можам и да изградам некоја добра конституција.

 

ivan-naunov1

 

2.Сите кои се занимаваат со фитнесот било тоа да е рекреативно или професионално имаат периоди во кои ја губат својата мотивација.Како вие се справувате со овој проблем?

Многумина од нас тезнеат кон здрав, витален живот и убаво тело, но малкумина се трудат да го постигнат тоа. Здравиот начин на живот и убавиот изглед се веројатно најголемите мотивации на секој кој се занимава со овој спорт. До мотивираноста се доаѓа многупати во денот, но најтешки се првите чекори. А потоа следи и демотивираноста доколку не се забележат некакви резултати. Затоа е и тешко да се дојде до некое ниво. Многу важен дел од сето ова е и истрајноста. Не се доаѓа до добра дефиниција преку ноќ. Треба многу време, труд, пот, откажување или компензирање на некои работи за да се дојде до некаков резултат. Лично, не ја губам мотивираноста никогаш, иако често, после тренинг кога неможам да земам воздух ниту пак да станам, во себе многупати помислувам – Не можам веќе… но тоа трае кратко. Додека да си ја вратам силата назад и продолжувам понатаму.

 

ivan-naunov5

 

ivan-naunov6

3.Како изгледа еден ваш тренинг?

Кога се фокусирам на Calisthenics, тренинзите почнуваат со трчање, раздвишување, загревање. Потоа следат чучњеви, комбинација на скокови и чучњеви, ниско одење и слично.
Следни се вежбите за градниот кош, рамената и рацете. Завршувам со вежби за стомачните мускули и пешачење. Комбинациите се бесконечни со тоа што се користат вертикални, хоризонтални и коси шипки за поголем дел од вежбите. Правилната исхрана пред и после тренингот е многу важна.
Тренинзите во фитнес вежбањето се малку поразлични од претходните. Почетокот е нормално со загревање и кардио вежби. Продолжувам со чучњеви, бенџ, мртво кревање, веслање, пропаѓања, вратило… Тренинзите се различни секој ден, во зависност од тоа кој дел на телото го вежбам. Внесот на храна и течности е подеднакво важна како и кај Calisthenics.

 

ivan-naunov3

 

4.Која е вашата омилена вежба а која највеќе ја мразите?

Немам омилени и неомилени вежби. Секоја вежба си има своја тежина во зависност од тоа како се изведува, кога, со која тежина и колку повторувања.
Добрата градба на телото зависи од разновидноста на вежбите. Колку повеќе вежби, толку повеќе мускули вежбате.

 

ivan-naunov4

5.Дали користете суплементи?

До сега во мојата исхрана не користев суплементи. За сега имам одлични резултати па ќе се потрудам така и да остане. Сите потребни хранливи состојки за пред и после тренинг ги внесувам преку исхраната. Се разбира, менито е разновидно и внимавам што внесувам.
Суплементите го олеснуваат градењето на човечкото тело и дефиниција но за да истото се одржува така, ќе мора редовно да се внесуваат. Јас преферирам само добра храна.

ivan-naunov2

 

 

6.Најомилен рецепт?

Јадам се што е здраво, добро подготвено и вкусно. Ако морам да одвојам тогаш највеќе обожувам  стек, риба, салати, убави сосови… Хранливо и вкусно.

7.Совет за сие оние кои се занимаваат со фитнес

Спортувањето, здравата исхрана и водењето на здрав живот се избор. Тоа е lifestyle.
Nike имаат добар слоган – If you have a body, you are an athlete. Можеш доколку сакаш. Се зависи од нас.

Линкови:

Истаграм:https://www.instagram.com/ivan.naunov/

Фејсбук:https://www.facebook.com/inaunov

 

 

Eripuit oporteat patrioque vel ne. Albucius voluptatum eu vel. Sea nisl voluptaria sententiae et, eum autem fuisset definitionem no. Id paulo dicam postea nam, quo regione facilisi aliquando cu. Ad aeque reformidans mediocritatem vim.