Дали некои вежби, едноставно, се залудни? Дали треба да се јаде пред или по вежбање? Дали болката во мускулите е показател за ефикасен тренинг? Стручњаците ги разбиваат митовите за вежбањето и одаваат тајни како да се дојде до прекрасно обликувано тело на најдобар начин.

 

КАРДИО ВЕЖБИТЕ СЕ СЕ ШТО ВИ ТРЕБА ЗА ДА ДОЈДЕТЕ ДО ПОМАЛ КОНФЕКЦИСКИ БРОЈ

ЛАГА

Во теорија, маратонската сесија на кардио програма со тек на време помага во слабеењето, но тоа не е најбрзиот начин за ослободување од вишокот килограми. Секој 453 грама телесна маса содржи 3.500 калории; затоа, ако се обидувате да ослабнете само со аеробик вежби, мора да трчате четири часа на степер за да ги загубите овие 453 грама.
Доколку имате намера да губите по половина килограм неделно, тоа значи дека треба да согорите 250 калории дневно (половина час умерено возење велосипед и исфрлање на 250 калории дневно).

ВООБИЧАЕНИТЕ ВЕЖБИ ИМААТ ПОМАЛ ЕФЕКТ

ВИСТИНА

Ако вашата кардио програма на вежбање нема ефект како порано, тогаш најверојатно имате западнато во рутина. Телото ви е навикнато на истиот распоред на вежби, а тие едноставно не даваат повеќе никаков ефект. Кога тоа ќе ги совлада востановените движења, повеќе нема да согорувате иста количина калории како на почетокот. За телото да ви има секогаш нов предизвик, мора да ја менувате програмата на вежбање на секои шест недели.

УТРИНСКИОТ ТРЕНИНГ СОГОРУВА ПОВЕЌЕ КАЛОРИИ

ЛАГА

Телото согорува ист број на калории без разлика на тоа за кој период од денот се работи. Најважно е да се вежба. Најдобро е да се вежба кога имаме најмногу енергија. Доколку работата која ја работите бара голема концентрација и бројни состаноци во текот на денот, тогаш држете се до утринските тренинзи. Единствено време кога не треба да бидете активни е два часа пред легнување, затоа што ендорфините кои се ослободуваат по тренингот ќе ве спречи мирно да потонете во сон. И, што и да правите, немојте никогаш да вежбате на подвижна лента со празен стомак. Телото без храна во желудникот тогаш ќе направи се за да го спречи согорувањето на мастите и ќе ја троши енергијата од мускулите. Затоа еден час пред тренинг треба да се изеде ужина составена од протеини и јагленохидрати.

ПОТЕЊЕТО ЗНАЧИ ДЕКА ВЕЖБАЊЕТО ДАВА РЕЗУЛТАТИ

ЛАГА

Кога по вежбањето сте цели во пот тоа значи дека телото ви е прегрејано и се обидува да се олади, а тоа пак значи дека или температурата во теретаната е превисока или дека облеката ви е претопло. Не мора да значи дека вежбањето дава најдобри резултати. Најдобриот начин за да се следи ефикасноста од вежбањето е мониторот кој ја следи работата на срцето. Тој ќе ви покаже дали сте во зоната на согорување на мастите: на пример, отчукувањата на срцето на жена на 30 години би требале да бидат 133 во минута.

ЗА МАКСИМАЛЕН ЕФЕКТ ТРЕБА ДА ВЕЖБАТЕ ДОДЕКА НЕ ПОЧНАТ ДА ВЕ БОЛАТ МУСКУЛИТЕ

ЛАГА

Болката во мускулите настанува кога ги терате да прават нешто на што не се навикнати. Ако штотуку сте започнале со тренинг по подолго време на пауза или сте ја смениле рутината на вежбање, болката во мускулите е нормална појава во првите неколку дена. Меѓутоа, како што телото ќе се навикнува на новиот режим на вежбање, така и заморот би требал да биде сосема вообичаен, а болката треба да исчезне. Доколку имате болки и после повеќедневно тренирање, најверојатно ризикувате да се здобиете со сериозна повреда и затоа е најдобро да го намалите интензитетот и траењето на вежбите. Можат да помогнат и десет минути, наместо вообичаените пет, загревањето пред тренинг, како и истегнувањето за време на паузата помеѓу две вежби.

Вљубеничка во здравата исхрана и науката, сака да чита литература од разни жанрови и обожава медицина