Видови стомак и нивно значење

Џејмс Дуиган, тренер на многу познати ѕвезди, меѓу кои е и манекенката Ел Макферсон, која важи за најдобро тело на 90-те, кажал за проблемите кои ги измачуваат многумина. Се работи за тврдокорниот ,,вишок,, на стомакот, кој и покрај сите наши напори никако не си заминува.
Но, не грижете се, и за тоа постои решение. Вишокот на стомакот не мора да значи дека сте нездрави и дебели. Постојат пет типови стомак, кои се објаснети со разни промени во нашето тело, а некои вклучуваат само вишок вода.

Еве што Дуиган го наведува како причина за стомачињата и како да се ослободите од непријатниот вишок.

1. “Љубовни рачки”

Препознатлив е по: ‘перничињата’ од двете страни на стомакот

Причини: 

• седечки начин на живот
• претерување со слатките
• премногу алкохол
• премногу шеќер и рафинирани јагленохидрати (колачи, торти, бел леб), тестенини и ориз

Како да се ослободите? 

Обидете се да ја смените исхраната и од неа да ги исфрлите сите лоши намирници. Одбегнувајте диетални производи и храна со малку маснотии, како и алкохол. Извор на протеини нека ви бидат јајцата и месото. Јадете зеленчук и добри масти, како лешници, риба богата со масти и авокадо.
Важни се и вежбите, долгите прошетки и лесните вежби дома се сосема доволни.

2. Стомак од стрес

Препознатлив по: испупчено надуен, тврд стомак во пределот на папокот.

Причини:

• хроничен стрес
• прескокнување на оброците
• премногу кафе
• нездрава храна (грицки, пржено, газирани пијалоци…)

Како да се ослободите?

Одете порано во кревет. Под стрес сте и спиете премногу и лошо, а тоа го попречува производството на лепинот, хормонот кој ги регулира апетитот и метаболизмот. Исто така, важно е навечер да го ограничите консумирањето на кофеинот. Пијте максимално по два филџана кафе на ден.
Не претерувајте со вежбање. Премногу кардио вежби можат да го зголемат нивото на кортизолот. Наместо тоа, одберете јога, долги прошетки или одење во теретана, каде нема да претерувате со вежби. Вклучете го магнезиумот во својата исхрана. Овој минерал го испушта телото, а го има во зелениот зеленчук, јаткастите плодови и пченичните трици.

3. Низок стомак

Препознатлив е по: надолу испаднат дел од стомакот

Причини:

• неодамнешна бременост
• не ги менувате вежбите во теретана
• неразновидна исхрана
• закривен рбет

Како да се ослободите?

Здрава исхрана и многу влакна се клучот на решението за овој стомак. Бирајте зелен лисјест зеленчук и леб од цело зрно. Што се однесува до вежбите, прекинете со чучнувањата: постои веројатност дека не ги правите правилно и дека премногу го оптоварувате долниот дел од грбот, што ја влошува состојбата на рбетот и го прави стомакот уште поистурен нанапред.

4. Труднички стомак

Препознатливо обележје: и по бременоста стомакот може да изгледа како да сте бремени, дури и до неколку месеци

Причини:

• премалку време за себе
• сте почнале прерано со тренинг (подобро е да се одморате два до три месеци по породувањето пред да почнете да вежбате)
• слаби мускули на карлицата

Како да се ослободите?

Вклучете повеќе рибино масло во својата исхрана и обидете се секој ден да земате здрави маснотии: јаткасти плодови, маслинки, растително масло.
Кегеловите вежби нека бидат дел од вашата рутина. Не правете стомачни и чучнувања, тие се најлоши за вас по породувањето. Оставете го телото прво да закрепне. И доењето исто така помага.

5. Надуен стомак

Препознатлив по: вечерната надуеност

Причини:

• алергии на храна
• забавен метаболизам
• цревна нерамнотежа

Како да се ослободите?

Слушајте го своето тело, не јадете храна од која ви е лошо. Најчестите алергии и интолеранција на храната вклучуваат глутен (тестенини, леб…), алкохол, квасец (колачи, пиво) и преработени млечни производи (сирење, млеко, путер). Во исхраната вклучете повеќе свеж зеленчук, месо, пилешко и риба. Обидете се да одбегнувате леб и тестенини две недели и следете ја состојбата.

Не го прескокнувајте појадокот. Нека биде најобилниот од вашите оброци, бидејќи варењето е најактивно наутро, а одбегнувајте јадење навечер. Јадете побавно и џвакајте ја добро храната, за да му оставите на телото доволно време за да ја свари храната.
Вклучете повеќе пробиотици во вашата исхрана. Ги има во јогуртите и во одредени овошја и зеленчук, како што се зелката, лукот и кромидот.