Вежби за во канцеларија
Многумина се жалат дека немаат време поради преголемиот број обврски и така се откажуваат од вежбање.
За да не барате изговори, погледнете ги следниве вежби кои можете да ги правите и во канцеларија. За време на паузата од работата, одвојте неколку минути и не грижете се за своето тело. Ем ќе бидете среќни и задоволни, ем ќе ги дочекате деновите кои следат фит, а притоа ќе вложите минимален напор.
Чучнувања
Една од најдобрите вежби за подигање на задникот и јакнење на нозете неминовно се чучнувањата. За оваа вежба не е потребен голем простор. Најважно е при изведувањето грбот да биде прав, а градите подигнати кон горе. Направете по десет чучнувања во две серии, и секој пат трудете се ги зголемувате повторувањата.
Вежба со исчекор
Ова е совршена вежба за обликување на задникот и нозете. Ставете ги рацете на колковите и направете пред себе голем исчекор. Коленото од ногата која ви е одзади спуштете се до толку да го допре подот, но да не се потпирате сосема на него. Со петата од ногата која ви е напред одбите се од подот и исправете се до толку што ногата која ви е одзади да ви се исправи и подигне така што ќе можете да ја спуштите на стол. Направете ја оваа вежба 10 пати на едната и потоа по 10 пати и на другата нога.
Кружење со рацете
Ниту за оваа вежба не е потребен голем простор. Застанете и исправете го грбот, раширете ги рацете и почнете полека да кружите. Кружете нанапред 10 пати, а исто толку и наназад.
Пропаѓања
Оваа вежба вклучува користење на канцелариски стол. Одлична вежба е за јакнење на трицепсите, а во видеото погледнете како можете да ја направите.
Склекови
Работната маса или столот можат да ви бидат од исклучителна помош. Тие треба да послужат како платформа на која ќе ги ставите рацете и ќе правите склекови. Во три серии направете по 10 склекови и секој ден зголемувајте го бројот на повторувањата.