Неретко токму добро развиените стомачни мускули, според многумина, се доказ за успешен тренинг. Кај припадниците на двата пола тие се составен дел од вежбањето, а кај спротивниот пол предизвикуваат ефект на привлечност. Иако најголемо внимание се посветува на надворешната стомачна мускулатура, треба да се нагласи дека токму витката и тенка половина подразбира силна внатрешна стомачна мускулатура.

Со цел да се изградат соодветно, а половината да се истенчи, покрај вежбањето, потребно е и да се внимава и на количината внесени калории во текот на денот. Целосен апсурд би бил да поседувате силни мускули на стомакот, а да не може никој, па ни вие самите, да ги видите поради преголемите масни налаги. Затоа, здравата и умерена исхрана е прв чекор до совршен стомак, а како шлаг на тортатасе додава тренингот на стомачните мускули. Во продолжение погледнете кои се вежби можете да ги правите, а кои се најефикасни за стабилизација на телото и за автоматско активирање на внатрешната стомачна мускулатура.

1. Издржување

Со подлактите потпрете се на топка за пилатес, а потпирка на долниот дел од телото нека ви бидат врвовите од прстите. Телото треба да ви биде во положба така што грбот да ви биде рамен. Обидете да се останете во оваа положба колку што можете подолго.

stomak31

2. Привлекување на колената кон стомакот

Дланките ставете ги на подлога, а потколената на пилатес топка. Телото треба да ви биде во положба во која грбот ќе ви биде рамен. Наизменично привлекувајте ги колената кон градите и враќајте ги во почетната положба на начин на кој нема да ја менувате потпората на телото.

stomak21

 

3. Приближување на натколената кон градите

Во овој случај потпората на телото е во долниот дел на грбот, со кој се имате потпрено на топката и на стапалото од едната нога, додека другата нога треба да ја испружите рамно со подлогата. Истовремено приближувајте ја испружената нога и горниот дел од телото на тој начин на кој ќе се свиткувате во делот на абдоменот.

4. Работење на мускулите на стомакот

vezbi-za-stomak4

Легнете на грб. Трупот подигнете го, а рацете прекрстете ги на стомакот. Останете во таа положба десеттина секунди. Подигнете ги и нозете. Левата префрлете ја преку десната и обидете се десеттина минути да издржите така. Потоа триесет пати полека кревајте ја и спуштајте ја ногата. Направете пауза од дваесет секунди и сменете ја ногата. Ако почувствувате пецкање во бутовите и затегање на стомачните мускули, тогаш бидете сигурни дека вежбата ја правите како што треба.

5. Вежба за витка половина

vezbi-za-stomak-5

Легнете на грб. Подигнете го трупот, а рацете прекрстете ги на стомакот. Останете во таа положба десеттина секунди.
Потоа, подигнете ги и нозете, барем дваесеттина сантиметри над подлогата. Со кратки и брзи движења правете ножички. Би било идеално пред првата пауза да направите по педесет ножички, бидејќи така ќе постигнете најдобар ефект. Ако почувствувате болки во половината додека ја правите оваа вежба, направете пауза и задолжително посоветувајте се со доктор.

6. Вежба за силни стомачни мускули

vezbi-za-stomak-61

Легнете на грб. Рацете ставете ги под главата и подигнете ги рамењата. Нозете малку свиткајте ги во колената. Грбот мора да ви биде залепен за подлогата. Почнете да правите стомачни, спуштајќи ги и подигајќи ги рамењата и главата. Направете по четириесет повторувања, па направете кратка пауза. Вежбата направете ја уште два пати. Не грижете се ако почувствувате како да ви ,,гори,, горниот дел од стомакот. Тоа е сосема нормално, бидејќи покажува дека вежбата ја правите правилно.

Вљубеничка во здравата исхрана и науката, сака да чита литература од разни жанрови и обожава медицина