Вежби со кои за две недели ќе имате рамен стомак

Како на најлесен, наједноставен и најбрз начин да го израмните стомакот? Сигурно си имате милион пати речено дека од следната недела ќе почнете со вежби, диета и ќе го промените начинот на живот, но на крај ништо не испаднало од тоа и сте ја загубиле желбата за слабеење, зашто сепак, ,,има време до летото,,. Но, времето лета брзо, а вашето стомаче се уште е тука. Како да се изборите со овој ,,проблем,,? Погледнете ги следниве вежби кои можете да ги правите од дома. Најдобрите фитнес тренери ги препорачуваат како најефикасни во губењето на масното ткиво од стомакот.

Бодифлекс

Првата вежба се нарекува бодифлекс, во која најважно е дишењето, кое всушност и дава ефект на рамен стомак. Бодифлекс вежбата за стомак или ,,вакуум,, е едноставна вежба за која не ви е потребно никакво кревање или вртење. Правејќи ја оваа вежба секојдневно, ќе ги активирате и ќе ги зајакнете најдлабоките мускули на абдоменот. Целиот среден дел од телото ќе ви биде зајакнат, а со самото тоа и рбетот, па болките во долниот дел од него целосно ќе исчезнат и ќе се подобри држењето. Во истовреме ќе практикувате и јога и пилатес, што е одлично. Совет е оваа вежба да ја правите веднаш по будењето, додека стомакот ви е се уште празен.

Легнете на грб, свиткајте ги нозете во колената, а рацете спуштете ги покрај телото. Земете длабоко воздух и во исто време опуштете го стомакот колку што можете, а потоа нагло испуштете го воздухот. Потоа вовлечете го стомакот најмногу што можете и немојте повторно да дишите. Држете ги така контрахирани абдоминалните мускули околу 15 секунди, па вдишете. Се тек на време се подолго ќе можете да го задржувате воздухот, дури и до една минута. Вежбата повторете ја три до пет пати. Можете да вежбате и седнати на стол, додека работите на компјутер. Важно е само рбетот да ви биде прав додека ја правите.

Отворен planking

Застанете во положба како за планкинг, со тоа што не се потпирате на подлактиците, туку се држите на раце (како при правење склекови), рбетот и нозете држете ги право, главата е рамна со рбетот, а лицето е свртено кон подот. Почнете полека да се ротирате во една страна, лесно подигнувајќи ја раката над главата, така што да биде паралелна со другата со која се држите. Дишете смирено и полека. Останете во таа положба 5 секунди, па повторете на другата страна. Повторете ја вежбата 15 пати.

Отворено/балерина чучнување

Чучнувањата се најдобра вежба за нозе и за задник.

Секоја жена сонува за издефиниран задник, а тоа им се допаѓа и на мажите. Оваа вежба ќе ви помогне сонот да ви стане стварност – да имате нозе во одлична состојба, а посебно задниот дел од телото.

Раширете ги нозете малку повеќе од ширина на колковите, а рацете ставете ги на колковите или прекрстете ги пред градите. Колку што можете побавно спуштајте се во чучнувањето, но така што колената ќе ви одат кон нанадвор, а препоните ќе ви бидат ,,отворени,, исто како кога вежбаат балерините. Исто така колку што можете побавно вратете се во почетната положба. Повторете ја оваа вежба 25 пати.

 Стомачни

Легнете на под и рацете ставете ги пре себе, а нозете држете лесно подигнати од подот. Во исто време подигајте ги нозете додека не дојдат до агол од 90 степени, а рацете                               спуштајте   ги за да ви ги допрат стапалата. Повторете ја вежбата 20 пати.