Вежбајте како војвотката Кејт и Пипа Мидлтон!

Освен што секако и завидуваме на нејзиниот беспрекорен стил, витката фигура на војвотката Кејт Мидлтон е нешто што многумина од нас го посакуваат. Но, не морате само да го посакувате, туку испробајте 3 вежби и обликувајте ги нозете како Кејт Мидлтон.

До сега  неколку пати имавме прилика да видиме како војвотката од Кембриџ ужива во спортските активности, за што е потврда и нејзината витка линија. Ви претставуваме три вежби кои ќе ви помогнат да ги обликувате и затегнете нозете, а доколку ви се чини дека вежбите се малку компликувани, само потсетете се дека резултатите ќе бидат извонредни!

Длабоки чучњеви

Поставете ги паралелно стапалата во шиина на колковите, т.е рамената. Рацете можете да ги испружите пред себе заради подобра рамнотежа. Спуштете се значи, како да сакате да седнете, мислете на тоа како задникот треба да оди долу. Колената не треба да ги буткате напред, тие природно ќе преминат преку врвовите на прстите и не треба да одат понатам, а горниот дел на телото природно ќе се свитка кон напред, Спуштајте се се додека бутовите не бидат паралелни со подот. Додека се спуштате, треба да ја почувствувате напнатоста на предната ложа, а кога ќе се подигнувате, треба да го почувствувате притисокот на задната ложа и глутеусот (задникот).

Вежба со растеглива лента

Во двете раце земете по еден крај од растегливата лента за вежбање. Префрлете ја средината на лентата преку петата од едната нога, па со нејзина помош испружете го стапалото паралелно со подот. Истото направете го и со другата нога. Вежбата повторете ја 10-15 пати со секоја нога. Што повеќе и се опирате на лентата, толку подобри ќе бидат и резултатите за вашите нозе, бедра и задникот.

Исчекор

Исчекорот е одлична вежба за жените бидејќи ги затегнува мускулите на задникот и нозете. Застанете на стапалата и тежиштето на телесната тежина нека биде на средината на стапалото. Карлицата треба да биде што е можно повеќе рамна. Рацете треба да бидат покрај телото. Свиткајте ги двете колена под прав агол кога ќе го изведете искоракот кон напред. Не се наведнувајте со телото кон напред.

Додека пак сестрата на војвотката Кејт- Пипа Мидлтон која е позната по својата затегната линија, препорачува вежбите да ги организирате во вид на кружен тренинг, каде паузите помеѓу вежбите би биле околу 30 секунди. Во едно неодамнешно интервју, таа ги открива четирите најважни вежби со помош на кои ја одржува затегнатата фигура. Во прашање се четири најважни:

• Кардио вежби
• Чучњеви
• Склек на нозе
• Склек на лактови

Првата кардио вежба подразбира лесно џогирање во место и наизменично подигнување на колената.

Втората вежба е т.н сумо чучњеви со отворени стапала и што подлабоко спуштање , а после тоа следи склек на нозе каде како потпора се користи зид за да ги вежбате градите и рамената. Последната вежба е издржување во склек на лакти, и таа препорачува да се потрудите што е можно подолго да издржите во оваа позиција.

Пипа препорчува овие вежби да ги организирате во еден вид на кружен тренинг каде паузите помеѓу вежбите би биле околу 30 секунди. Секоја вежба треба да се прави по една минута.

Секако таа вели дека внимава и на храната која ја внесува, па се труди на внесува здрави јаглехидрати, како и повеќе протеини, особено риба и пилешко месо.