Тренинг со млечна киселина – поинаков начин за губење килограми

Ослободувањето на млечна киселина е поврзано со напорен тренинг. Тоа чувство на интензивно печење по напорна серија вежби е ништо друго туку млечна киселина, која се таложи во мускулите додека телото нема доволно кислород за време на напорното вежбање. Но, она што сигурно не го знаете е тоа дека токму таа млечна киселина може да го поттикне брзото губење на килограми додека во истовреме ги чува мускулите.

Тренингот со млечна киселина е вид на тренинг создаден за да го натера телото да произведува што поголема количина млечна киселина во мускулите кои ги вежбате. Присуството на млечна киселина ќе доведе до зголемено излачување на хормони, посебно на тестостеронот во телото. Ова значи дека телото ќе согорува масти со забрзано темпо додека истовреме ќе ги штити мускулите. Ако добро се изведе, една типична вежба со млечна киселина би требало да трае околу 45 минути. Добра вежба значи да се вежба спротивна група на мускули (на пример, мускулите на градите и грбот) во една сесија и да се одберат мулти заеднички вежби кои ќе дадат најдобри резултати. Малкуте кратки одмори меѓу сериите ќе доведат да се наталожи голема количина млечна киселина за дополнително губење на маснотиите.

Еден типичен тренинг би требало да изгледа вака:

Прв ден – гради и грб

– Кревање тежина на клупа (Bench press) – 8 повторувања (мускулна слабост ќе почувствувате по 8 повторување)
– Кревање тегови на подигната клупа (Incline dumbbell press) – 12 повторувања
– Странично кревање тегови т.н. пеперутка кревање (Dumbbell flyes) – 20 повторувања

Одморот меѓу сериите е 10-20 секунди. Овој круг се повторува 2-3 пати, во зависност од вашата кондиција.
Одморете 2-3 минути, а потоа направете:

-Дигање на вратило (Chin up or Pull up) – 8 повторувања
–Подигање тегови на шипка (Barbell row) – 12 повторувања
–Влечење сајла (Cable row) – 20 повторувања

Одморете 10-20 секунди меѓу сериите. Повторете го овој круг 2-3 пати.

Втор ден – Нозе

–Чучнувања (Squats) – 10 повторувања
–Преса за нозе (Leg Press) – 12 повторувања
– Кревање дополнителни тегови со нозете (Extensions) – 20 повторувања

Одморете 10-20 секунди меѓу сериите. Повторете го овој круг 2-3 пати.
Одморете 2-3 минути, а потоа направете:

– Мртво дигање (Stiff leg deadlifts) – 6 повторувања
–Кревање тегови со нозе легнати на стомак на клупа (Leg curls) – 15 повторувања

Одморете 10-20 секунди меѓу сериите. Повторете го овој круг 2-3 пати.

Трет ден – Раце и раменици

– Бенч со доближено поставени раце (Close grip bench press) – 6 повторувања
– Влечење тежина со сајла (Cable pushdown) – 20 повторувања

Одморете 10-20 секунди меѓу сериите. Повторете го овој круг 2-3 пати, во зависност од вашата кондиција.
Одморете 2-3 минути, а потоа направете:

– Кревање тежина со шипка со обратно поставени раце (Barbell curls) – 6 повторувања
-Кревање тегови во седната положба (Dumbbell seated curls) – 15 повторувања

Повторете го овој круг 2-3 пати, во зависност од вашата кондиција.
Одморете 2-3 минути, а потоа направете:

– Кревање тежина на шипка во седната положба (Military shoulder press) – 6 повторувања

– Странично кревање тегови (Side laterals) – 12 повторувања

По третиот ден од вежбањата, одморете два дена. Пред тренингот треба да бидете јадени 3 часа претходно, а по тренингот изедете лесен оброк. Ова значи дека ќе треба да јадете многу протеини, како што е посно месо, јајца, риба, млеко со ниска масленост и ореви. А, од јагленохидратите, пред тренингот јадете јагленохидрати со низок гликемиски индекс и еден обемен оброк составен од јагленохидрати со висок гликемиски индекс и протеини.