Дојката како орган најмногу ја истакнуваме преку пристапот на превентивното здравје, примарно поради превенцијата од карцином на дојката. Освен самопрегледи и редовни докторски контроли, еден од факторите на ризик кои можат долгорочно да се земат во напорите за превенција е и исхраната. Како целоживотен процес, исхраната има повеќекратна улога врз нашето здравје, првично како превентива, но и како сама супстанција од која сме градени. Она си што јадеш денес подеднакво важи како отсекогаш, со таа разлика што се повеќе на важност добива и она што не треба да го јадеме.

 

Еден модел на исхрана не вреди за сите

 

Имено, секој од нас живее во поинакви услови, негува сопствен стил на живот, условен од воспитувањето, традицијата и општествените обичаи. Кога зборуваме за исхраната, еден модел на исхрана не важи за секого, пред се поради биохемиската индивидуалност. Сепак, во превентивна смисла, постои храна која може да ја поделиме на листа за одбегнување, па на корисна, позитивна листа, во смисла на поддршка или превенција на здравјето на дојките.

 

 

Проблемот со заситените масти и шеќерите

 

Денес, во исхраната е клучен дисбалансот на мастите, кој оди во полза на заситените масти многу повеќе од во незаситените односно повеќекратно незаситените масни киселини (омега 3 и омега 6). Заситени масни киселини се оние во животинските масти и во кокосовото масло, а незаситените се наоѓаат во сината морска риба и во преработките од семиња и јаткасти плодови (лен, коноп, орев и сл.). Овој неповолен сразмер во нечија исхрана дава општо лоши изгледи кога се работи за ризик од развој на карцином, а истото важи и за рак на дојката.

 

Имено, една порција помфрит пржен во фритеза на хидрогенизирано палмино масло нема да ве убие, долгорочно капка по капка лоши масти ќе водат кон непосакуван правец. Во исто време, катастрофално ниското консумирање риба и јаткасти плодови, за општата популација осиромашена од внесување на омега-3 масни киселини, носи значително лоша вест од самата загриженост поради вишокот килограми.

 

Сите знаеме дека е помфритот калоричен. Но, проблемот е што постојаното консумирање на пржени, похувани во длабоко масло и реш печени и индустриски хидрогенизирани масти (транс масти) е вистинска бомба за организмот, која ни испорачува спржени, реактивни (полни со слободни радикали) и ДНК непријателски оксидативно расположени масти.

 

 

Недоволно консумирање овошје и зеленчук

 

Проблемот со овошјето и зеленчукот е во тоа што не го консумираме доволно. Знаеме дека во начело е корисно, но во пракса оние 6 до 8 оброци овошје и зелечук изостануваат, a тие треба да ја избалансираат нашата антиоксидативна одбрана со внесување на полифеноли, каротеноиди и други моќни антиоксиданси.

 

Витаминот Д – важен за здравје на дојките

 

Не е само витаминот Д важен за здравјето на дојките, туку туку има и други витамини и минерали (вклучувајќи и некои други ретки олигоелементи), но во последно време фокусот е насочен на овој витамин. Повеќе студии покажале дека посоти врска помеѓу недоволен статус на витамин Д и ризикот од карцином на дојката. Но, не можат сите природно да добиваат витамин Д во доволни количини (чувствителност од сонце, меланом, хиперпигментација на кожата) со изложување на сонце, така што мора да размислуваат за прехранбени извори. И, тука повторно доаѓаме кај рибата и зелениот зеленчук (поради витаминот K2, кој е важен за функција на витаминот Д).

Зелкаст зеленчук

 

Зеленчукот од семејството на зелкари (лат. Brassicaceae) е од нагласено значење за превенција на ракот на дојката.

 

Вљубеничка во здравата исхрана и науката, сака да чита литература од разни жанрови и обожава медицина