Со возење ролери до губење на килограмите
Рекреативното спортување ееден од најдобрите начини за да се ангажираат сите мускулина телото, како и да се зајакнат физичката и менталната кондиција, но исто така е одличен начин за да се изгуби дополнителната телесна тежина.
Доколку прошетката, возењето велосипед или класичните вежби не се доволно предизвикувачки за вас, можеби токму вистинскиот избор е возењето ролери?
Ролерите се наменети речиси за сите возрасти, но не се препорачуваат за деца помлади од три години, поради нивната недоволно развиена мускулатура. A, постарите, особено оние што имаат повеќе од шеесет години, би требало да се чуваат од паѓање, и пред да започнат со една ваква авантура на тркала треба да побараат стручна помош од инструктор. Со цел учењето да се направи побезбедно, неопходно е да се користи заштитна опрема, која вклучува штитници за колената, лактите и рацете, како и кацига.
Најважно е да се научи како правилно и безбедно да се паѓа, односно во моментот на губење на рамнотежа да се реагира на вистински начин со цел последиците да бидат минимални.
Рамнотежата се одржува со соодветно држење при возењето ролери, кое што, исто така, се учи. После учењето на основните правила, се учат вежбите во движење, како што се наизменичните потпирања од една на друга страна на ролерите. Бидејќи за време на возењето на ролери тежината е привремено на една нога, додека другата ја користиме за да се поттурнеме.
За да се овозможи физичката активност да даде резултат (губење на тежината и затегнување на мускулите, подобра циркулација), важно е таа да е добро распоредена. Toа значи возењето со велосипед или ролери, да трае помеѓу 30-60 минути, и тоа да го правите 3-5 пати во текот на неделата.
Поуспешните љубители на ролери, многу брзо ќе научат како да се вози до ридот, надолу по ридот, како да прескокнуваат пречки итн. Сепак, за покомплексни елементи на возење ролери, како што се неочекуваната промена на насоката и кочењето, скоковите итн треба прво да се помине одредена километражата во праволиниско возење.
Возењето ролери ги ангажира сите мускули на телото, а во однос на тоа дека бара одредена техника на движење, придонесува за поголемата потрошувачка на калории која што е најважна за губењето на тежината.
OТЧУКУВАЊАТА НА СРЦЕТО КАКО МЕРКИ ПРИ НАПОР
Возењето ролери како и велосипед, а тоа важи и за другите видови на рекреација, не треба премногу да ја забрза работата на срцето. За да знаете како срцето работи под оптоварување пред интензивен физички напор одредете ја максимална срцева фрекфенција, така што од бројот 220 ќе го одземете бројот на вашите години. За рекреативните спортисти отчукувањата на срцето не треба да надминуваат 80-85 проценти од вредноста на добиениот број.
Пример: Ако имате 38 години, одземете 220-38 = 182. Ова значи дека максималниот број на отчукувања на срцето на 38-годишна возраст може да достигне од 150 до 155 отчукувања во една минута.
Ваквата математичка пресметка на отчукувањата на срцето е од голема помош за регулирање на интензитетот на вежбањето. Во текот на тренингот самите измерете си го пулсот или набавете мерач на пулс кој ќе ги брои отчукувањата на срцето за вас. На овој начин можете без да вложите голем напор да ги добиете резултатите од вежбање. Ако сакате да изгубите тежина, освен правилната исхрана, најдобар е тренингот со низок интензитет – пулсот треба да се зголеми најмалку над педесет проценти од неговиот максимум, и да се одржува најмногу до 70 проценти. А пулсот на оние кои сакаат да ја задржат или подобрат кондицијата, во поголемиот дел од тренингот, треба да го задржат бројот на отчукувања над 65 проценти од максимално предвидениот.
