Ревматските тегоби се многу непријатни и болни. Пречките при секое движење во мускулите, тетивите и зглобовите на многумина им прават проблеми при вршењето на секојдневните активности. За ублажување на болката, покрај лекови, креми и облози може многу да помогне и редовното вежбање. Докторите препорачуваат тренингот да се прави три пати неделно, а ова се некои од вежбите кои можат значително да ги ублажат овие тегоби.

Бутен мускул

Легнете на грб, рацете ставете ги покрај телото, а нозете со тегови префрлете ги преку подметач. Коленото од едната нога повлечете го кон себе, потпирајќи се лесно со петата на подметнато перниче, па вратете се во почетната положба. Повторувајте наизменично по 30 пати на секоја нога.

Рамена и стомак

Легнете на грб, рацете поставете ги покрај телто, а нозете префрлете ги преку перниче. Подигнете го горниот дел од трупот и со врвовите од дланките допрете го спрптивното стапало, па вратете се во почетната положба. Правете ја вежбата со сосема лесно темпо, наизменично со едната, па со другата рака, по 15 повторувања.

Нозе

Седнете на работ од стол. Грбот исправете го, рацете спуштете ги покрај телото, а на потколеницата ставете тегови. Подигајте ги наизменично едната, па другата нога, и во затегната положба задржувајте по шест секунди. Оваа вежба правете ја со лесно темпо, по 30 пати на секоја нога.

Јакнење на квадрицепсите

на двете потколеници ставете тег од по половина килограм и легнете на грб. Рацете ставете ги покрај телото, вовлечете го стомакот, а нозете префрлете ги преку перниче во облик на ваљак или ќебе замотано во тој облик. Подигнете ја и затегнете ја едната нога, па задржете во таа положба шест секудни, а потоа спуштете ја полека. Вежбата повторете ја со едната, па со другата нога, по 30 пати.

Јакнење на колковите

Легнете на страна, долната нога свиткајте ја во коленото под прав агол, а горната испружете ја најмногу што можете. Коленото и прстите мора да бидат максимално затегнати, а рамото, колкот и петата во една линија. Подигнете ја ногата странично и задржете шест секунди со затегнат бут и глутеус, па вратете во почетната положба. Направете ја вежбата десет пати на едната, па по куса пауза, исто толку пати и на другата страна.

Вљубеничка во здравата исхрана и науката, сака да чита литература од разни жанрови и обожава медицина