Вашата физичка активност не е потполна ако не изедете нешто после тоа. Шејковите (анг. smoothies) се лесни за подготвување и добри да се испијат после тренингот, лесно се сварливи и се наједноставниот начин за да ги внесете потребните протеини за градење на мускулите, јагленохидрати за да го надоместите гликогенот и антиоксиданси за да се изборите со воспаленијата.

Еден совршен шејк после тренинг би требало да содржи 15-20 гр. протеини, а другото би требале да бидат јагленохидрати и мала количина на масти. Почнете со порција зеленчук, потоа додадете овошје, извор на протеини (јогурт, тофу сирење, протеин од сурутка) и течност во вид на кокосово млеко, вода, џус или бадемово млеко. Сето тоа ставете го во блендер, додајте мраз и нутритивни додатоци, како чија семе, ѓумбир или куркума. Потрудете се да го испиете овој шејк 30 до 60 минути по тренингот. Овде ќе ви дадеме примери на некои шејкови, кои можете во целост да ги примените или искористите како основа за понатамошно комбинирање.

ЦВЕКЛИЧКА

  • 1 чашка тофу сирење (или јогурт)
  • половина чашка свежи или смрзнати рибизли
  • 1/2 цвекло со средна големина
  • 1 помала свежа краставица
  • 1 корен од целер
  • неколку листови кељ
  • 1 портокал или половина чашка исцеден сок од портокал
  • 1 лажица мед

Нутритивни вредности (по чашка):332 калории, 18 гр. протеини, 53 гр. јагленохидрати, 9 гр. влакна, 34 гр. шеќери, 8 гр. масти, 1 гр. заситени масти, 105 гр. натриум.

ШУМСКИ

  • 2 лажици соја протеин во прав, со арома на ванила
  • 1 чашка млеко со ниска масленост
  • 1/2 смрзнати банани
  • 3/4 чашка смрзнато шумско овошје

Нутритивни вредности (по чашка): 368 калории, 29 гр. протеини, 56 гр. јагленохидрати, 5 гр. влакна, 42 гр. шеќери, 4 гр. масти, 1.5 гр. заситени масти, 292 мг. натриум.

КИКИ – БАНАНА

. 1/2 чашка млеко

  • 1/2 чашка јогурт
  • 1 банана
  • 1 лажица путер од кикиритки
  • грст листови спанаќ
  • неколку капки чист екстракт од ванила

Нутритивни вредности (по чашка): 249 калории, 12 гр. протеини, 45 гр. јагленохидрати, 4 гр. влакна,29 гр. шеќери, 3,5 гр. масти, 1 гр. заситени масти,179 мг. натриум.

ИНДИСКИ

  • 1 помала смрзната банана, исечена на крукчиња
  • 1 чашка млеко од соја без арома
  • неколку листови нане
  • 1/4 чашка индиски ореви (потопете ги преку ноќ во вода за да омекнат)
  • 1/3 чашка меко тофу сирење
  • неколку капки екстракт од ванила

Нутритивни вредности (по чашка): 418 калории, 20 гр. протеини, 49 гр. јагленохидрати, 6 гр. влакна, 24 гр. шеќери, 17,5 гр. масти, 3 гр. заситени масти, 204 мг. натриум.

 

КАФЕАВА ФАНТАЗИЈА

 

  •   помал грст листови спанаќ
  •  1 банана со средна големина
  • 2 лажици чисти зобени снегулки
  • 2 лажици сецкани ореви
  • 1/2 лажичка цимет
  • 2 лажички мелено ленено семе
  • 1/2 шолја филтрирана вода
  • 1 шолја незасладено бадемово млеко
  • 1 лажица протеин во прав
  • мраз

Нутритивни вредности (по чашка): 400 калории, 15 гр. протеини, 32 гр. јагленохидрати, 8 гр. влакна, 14 гр. шеќери, 13 гр. масти, 2 гр. заситени масти, 192 мг. натриум.

Искрено се надеваме дека до некаде ви помогнавме при изборот на соодветниот шејк после напорниот тренинг и дека ќе уживате во тренинзите како и во оброците по нив.

Вљубеничка во здравата исхрана и науката, сака да чита литература од разни жанрови и обожава медицина