Смути – шарено и освежувачко задоволство

Доаѓа потопло време и природна желба за полесни и освежувачки оброци. Овие весели комбинации може целосно да ги задоволат ваквите потреби.

Овесно смути од банана

Бананата е одличен извор на калциум. Калциумот е важен за правилно функционирање на срцето, а заедно со другите минерали и за добра спроведливост на нервните импулси. Во пракса, тоа значи дека тоа помага при ублажување на грчевите настанати од интензивните тренинзи. Овој енергетски пијалок е одличен, како брз оброк пред интензивниот тренинг.

Состојки (3 dl):

30 g whey протеин од ванила

30 g овесни снегулки

100 g банана (една средна банана)

1,5 дл бадемово млеко

4 коцки мраз

цимет

Подготовка:

Сите состојки ставете ги во блендер и добро изматете. Зачинете со малку цимет.

Хранливи вредности:

Енергетска вредност: 333 kcal

Протеини: 30 g

Масти: 6 g

Јаглехидрати: 43 g

Влакна: 4 g

Црвено смути

Грозјето и малините се одличен извор на витамин Ц и антоцијанин, кои им даваат темно црвена боја. Антоцијанинот и витаминот Ц се моќни антиоксиданси кои помагаат во обновување и забавување на стареењето на клетките. Овој смути е совршен за подигнување на енергијата или опоравувањето по тренингот.

Состојки (3 dl):

30 g whey протеин од ванила

120 g црвено грозје

10 g малини

5 g ленено семе

4 коцки мраз

Начин на подготовка:

Сите состојки ставете ги во блендер и добро изматете.

 Хранливи вредности:

Енергетска вредност: 254 kcal

Протеини: 26 g

Масти: 4 g

Јаглехидрати: 33 g

Влакна: 3 g