Салата со кус-кус и пилешко месо

Ова е одличен нискокалоричен оброк. Комбинацијата на протеини и јаглехидрати е идеална како оброк за после тренинг.

Потребни состојки:

• 150 g пилешко филе
• 10 g маслиново масло
• 30 g кус-кус
• 150 g зеленчук (морков, целер, кромид, домати)
• 1/2 лимон или лимета
• Зачини (кари, лута пиперка)

Начин на подготовка:

Пилешкото филе исечкајте го на коцки и кратко попечете го.

Потоа тавата со месото отстранете ја од оганот, посипете со кари, лута пиперка или некој друг пикантен зачин, прелијте со малку вода и гответе се заедно околу 15-20 минути.

Кога месото ќе омекне, оставете го да се излади во тавата во која сте го подготвувале.

Кус-кусот подгответе го според упатствата на пакувањето.

Во подготвениот кус-кус додадете свежо рендан морков, корен од целер, кромид исечкан на ленти, домати исечени на четвртина и изладеното пилешко месо.

Прелијте со маслиново масло, сок од лимон и сето тоа нежно промешајте го.

Хранливи вредности:

Енергетска вредност: 332 kcal

Протеини: 37 g

Масти: 12 g

Јаглехидрати: 19 g