Свежото овошје и зеленчук изобилуваат со витамини и минерали кои спречуваат дегенеративни и подмолни болести и осигуруваат здрава старост. Еве неколку едноставни правила за храната која треба секојдневно да ја внесувате :

  • Јадете што повеќе свежо овошје и зеленчук
  • Намалете го количеството на оброкот
  • Избегнувајте мрсни и тешки јадења
  • Сончогледовото масло заменете го со маслиново
  • Јадете секогаш во исто време
  • Јадете риба 2 пати неделно
  • Пијте 1.5 л течности секој ден, најдобро вода или незасладен чај
  • Секој ден пијте барем 2 до 3 чаши млеко

hrana_naslovna

Со текот на годините, размената на материи во организмот забавува и затоа на постарите личности им е потребно помало количество храна. На жените во менопауза им се потребни околу 1700 калории дневно, на постарите околу 1500, а на постарите мажи околу 1650 калории дневно. Тука спаѓаат јаглехидратите, белковините и мастите. Особено треба да се внимава на доволен дневен внес на микрохранливи материи, односно витамини и минерали, а особено оние со антиоксидансни својства кои го спречуваат забрзаното стареење на организмот и појавата на подмолни болести. Тоа се Бета-каротин, витамините Б6, Ц и Е, калциумот, магнезиумот, селенот и цинкот.

Бета-каротинот најмногу го има во морковот, доматот, пиперката, спанаќот и кајсијата. Штити од настанување на туморски заболувања, ја подобрува одбранбената функција на организмот и го намалува ризикот од болестите на срцето и крвните садови. Жените дневно треба да внесуваат 30 милиграми, а мажите 40 мг бетакаротен.

Витаминот Б6 го иа во житарките, компирот, бананата, рибата и живината. Го зголемува нивото на серотонин и допамин со што го поправа расположението, но и бројот на одбрамбените клетки. Се препорачува 1,5 милиграми дневно за жените и 1,7 милиграми за мажите.

Витаминот Ц во изобилство го има кај лимоните, портокалите и цитроните, јагодите, брокулите, киселата зелка и компирот. Штити од појава на срцеви заболувања и болести на крвните садови, дејствува како блокатор на канцерогените производи во организмот. На жените им се потребни најмалку 300 милиграми, а на мажите најмалку 400 милиграми витамин Ц дневно.

Витаминот Е го има во растителните масла, сојата, кикириките и јајцата. Ги активира и обновува одбранбените клетки, штити од ревматски заболувања и компликации од дијабетисот. Потребниот внес дневно е 150-200 милиграми и за мажи и за жени.

Калциум– го има во млекото и млечните производи, сојата, кикириките, семки од сончоглед и сусам и во сардините. Ги чува коските и забите, а во комбинација со магнезиумот, кој го има во смоквите, лимонот, јаболките и пченката, го чува здравјето на крвоносниот систем.

СОВЕТ- Најновите истражувања покажуваат дека селенот има најважна улога при забавување на стареењето. Дневно е потребно внесување на 150 до 300 мг селен, кој најмногу се содржи во доматите, јајцата, пченката, месото и лукот. На повозрасните мажи особено важен им е цинкот и затоа треба почесто да јадат тврдо сирење, брокула, лешници и живина. До 70-тата година треба да се внесуваат 30 мг дневно, а потоа 50 милиграми.