Овесни снегулки- врвен појадок

jogurt_ovesni-snegulki

За оваа кралски појадок потребни ви се следниве состојки:

  • 250 ml млеко
  • 2 лажици мед
  • 5 лажици овесни снегулки
  • малку малини
  • 1 банана.

Начин на подготовка:

Загрејте го млекото, постојано мешајќи го. Кога ќе зоврие, намалете го огнот и додадете 2 лажици мед. Кога медот ќе се раствори, додадете 5 лажици овесни снегулки. Откако малку ќе омекнат, по околу 2 минути, додадете малини и бананата која што претходно сте ја испасирале со вилушка. Гответе уште една минута-две, оставете малку да се излади и сервирајте

Овесни снегулки со овошје

Во еден сад, ставете ги следниве состојки:

  • 1 чаша овесни снегулки
  • 0,5 чаша сок од јаболко
  • 2 лажици суво грозје
  • малку цимет
  • 1,5 чаша топла вода
  • ½ чаша сецкана банана, боровинки, јагоди или некое друго овошје

Начин на подготовка:

Во еден сад, ставете ги овесните снегулки, сокот од јаболко (доколку имате соковник, тоа нека биде свежо исцеден сок), суво грозје и цимет. Додадете ја топлата вода и промешајте. По пет минути, ова јадење е подготвено за консумација.

Кекси колачиња со овесни снегулки, брусници и ореви

keksi-so-ovesni-snegulki

За 20 – 24 големи кекси потребно е:

  • 110 g сецкани ореви
  • 170 g путер на собна температура (може да биде половина путер, половина маргарин)
  • 210 g кафеав шеќер
  • 1 големо јајце
  • 1 лажичка екстракт од ванила
  • 105 g брашно
  • 1/2 лажичка сода
  • 1/2 лажичка сол
  • 1/2 лажичка цимет
  • 260 g овесни снегулки
  • 1 чаша од 250 ml – сушена брусница или сушени цреши или суво грозје

Начин на подготовка:

Загрејте ја рерната на 180 степени. Обложете една голема тава за печење со хартија за печење. Оревите ситно исецкајте ги и оставете малку да се прокрчкаат во рерната од 8-10 минути, само колку за да добијат убав мирис.

Путерот и кафеавиот шеќер помешајте ги со миксер 2 – 3 минути, а потоа додадете го јајцето и екстрактот од ванила и мешајте се додека смесата не се соедини. Во друг сад, помешајте го брашното, солта, содата и циметот и сето ова измешајте го со првата смеса. Рачно измешајте ги и сецканите ореви, брусниците и овесните снегулки.

За големи кекси користете ја американската мерка- 1/4 чаша или лажица за сладолед.

Мерката пополнете ја со смесата за кекс и малку притиснете ја со рака или лажица и ставете ја на подготвениот сад за печење, притоа внимавајќи да оставите доволно простор (околу 5 см проред), бидејќи кексите ќе се рашират.

Кексите малку притиснете ги со рака за да добиете дебелина од 1,25 см.

Печете 12-15 минути или додека кексите не добијат кафеава боја одоздола, а во средината сеуште ќе бидат меки. Изладете ги кратко пред да ги ставите на жица за да се оладат целосно.

Се надеваме дека со овие рецепти ви помогнавме и ви дадовме идеи за тоа како овесните снегулки да станат дел од вашата секојдневна исхрана. Доколку и сами смислите некој вкусен оброк од овесни снегулки, споделете го со нас. Едвај чекаме да го пробаме!

Eripuit oporteat patrioque vel ne. Albucius voluptatum eu vel. Sea nisl voluptaria sententiae et, eum autem fuisset definitionem no. Id paulo dicam postea nam, quo regione facilisi aliquando cu. Ad aeque reformidans mediocritatem vim.