Ова се најдобрите вежби кои можете да ги правите дома
Со овие дноставни вежби брзо ќе го обликувате телото, а се што ви треба е основна опрема. Упорноста е најважна, а резултатите нема да изостанат. За најдобри резултати, вежбајте наутро, пред појадокот, а доколку тогаш немате време, два часа по оброкот. Сите вежби се повторуваат по 12 пати и се препорачуваат три до четири серии. Најдобри се оние вежби кои активираат повеќе мускулни групи и кои го обликуваат целото тело.
ВЕЖБА ЗА РАМЕН СТОМАК
Оваа вежба е идеална за целиот стомак, посебно за долниот дел. Легнете на грб и рацете ставете ги покрај телото. Нозете свиткајте ги во колената, па кревајте го горниот дел од телото, туркајќи ги притоа колената кон градите. Со прстите допрете ги петите, и во тој момент издишете. Вратете се во почетната положба и издишете. Движењата треба да бидат контролирани. Трудете се да не го ,,влечете,, телото со главата и вратот, туку целата вежба да ја правите со мускулите на стомакот.
ВЕЖБА ЗА СТРАНИЧНИТЕ МУСКУЛИ
Затегнат стомак подразбира извајани странични мускули, а оваа вежба влијае на нив. Седнете на под, потпрете се на рацете и малку свиткајте ги колената. Нозете треба да бидат целосно споени. Повлечете ги колената колку што можете повеќе кон себе и во страна. Вратете се во почетна положба, па свиткајте ги нозете на другата страна. Нозете можете да ги спуштите во почетната положба на подот, но ефектот е посилен без тоа. Издишете кога нозете се згрчени.
ВЕЖБА ЗА ЗАДНИКОТ И РАЦЕТЕ
Застанете во став со раширени нозе, а во рацете земете тегови. Полека спуштајте се во чучнување, водејќи сметка колената да не ви одат нанапред. За поголема сигурност, зад себе можете да ставите степер. Од чучнување од 90 степени се кревате повторно нагоре и ги спуштате рацете. Поткренете се на прсти, па вратете се на петите и повторете се.
