Паралелното вежбање подразбира аеробниот тренинг да се изведува паралелно со анаеробниот. Ова уште се нарекува симултано вежбање. Во основа, нема ништо лошо во ваквиот пристап – ако правилно ги испланирате споредбените тренинзи. Со тоа што луѓето имаат се помалку слободно време, луѓето се повеќе ќе се свртуваат кон ваквиот двоен тренинг.

Цел

Клучното прашање кај ваквото симултано вежбање е целта која сака да ја постигне личноста. Ако е тоа анаеробната цел – градење на поголеми мускули, зголемување на силата, подготовка за спортски настани со висок интензитет – редоследот на вежбите треба да подразбира анаеробни, а потоа аеробни вежби. Ако вежбачот сака да постигне долготрајна издржливост, тогаш вежбањето треба да започне со аеробниот дел од тренингот. Меѓутоа, многу често оној кој сака да изгради анаеробни капацитети, тренингот го започнува со аеробни вежби. Ова е многу неефикасен начин за да се започне со градење на мускулите.

Фактор на заморот

Изведувањето на кардио/аеробниот тренинг пред тренингот на издржливост може драстично да го загрози овој вториов. Во една студија објавена во журнал кој ги истражува силата и кондицијата, предложени се резултати кои откриваат дека заморот претставува фактор кој делува негативно на тренингот за сила, кој се изведува како втор по ред. Кардио/аеробик вежбите го заморуваат телото пред и да започнете со тренингот на силата. Во оваа студија, испитаници биле постари жени, кај кои била воочена намалена ефикасноста од тренингот за силата кога се изведува по кардио/аеробик активноста.
Научниците заклучиле дека професионалните спортисти мора да земат во обзир дека ,,доколку сакаат значително да ја зголемат силата, треба да ги изведуваат аеробик вежбите како дел од посебен тренинг, ако сакаат да постигнат максимален ефект од тренингот на издржливост.,, Иако оваа студија се однесува на постари луѓе, треба да се каже дека и кај младите атлети може да дојде до значајно намалување на ефектот за време на кардио/аеробик тренингот кој им претходи на вежбите за сила.

Фактор ,,гориво,,

Втор важен фактор е ,,горивото,,. За тренинг на силата клучното гориво доаѓа од јагленохидратите. Што се однесува до кардио/аеробик тренингот, горивото се црпи од јагленохидратите и мастите, со тоа што делот од мастите станува позначаен како што се одвива тренингот.
Кога се изведува напореден тренинг така што овој кардио/аеробик му претходи, основното гориво од јагленохидратите се троши и не се троши за време на тренингот за сила. Ова значително го намалува ефектот од тренингот за сила.

Фактор на концентрација

Последниот фактор поради кој треба да го почитувате овој редослед е концентрацијата. Тренингот за сила дефинитивно бара повисоко ниво на концентрација од кардио/аеробик вежбите. Можете да појдете на џогинг и да се опуштете. Истото важи и за возењето на велосипед и за други видови кардио/аеробик тренинг. Меѓутоа, не може да имате недостиг на концентрација ако над главата држите тегови. Но, концентрацијата не можете долго да ја држите. Како што ќе трае тренингот, така е се потешко да се одржува концентрацијата. Вежбите кои се прават на почетокот се прават со максимална концентрираност. Токму поради тоа, потребно е да започнете со тренингот за сила, бидејќи токму тој бара голема концентрација.

Тренингот за сила треба да се изведе на почеток доколку сакате да ставите акцент на постигнување сила, големи мускули и експлозивност. Но, ако сакате да постигнете подобра издржливост, тогаш не е неопходно да го започнете тренингот со овој сет. Затоа, ако се решите за паралелен тренинг, гледајте добро да го испланирате распоредот на вежбите. Со најдобар план на вежбање ќе постигнете најдобри можни резултати.

Eripuit oporteat patrioque vel ne. Albucius voluptatum eu vel. Sea nisl voluptaria sententiae et, eum autem fuisset definitionem no. Id paulo dicam postea nam, quo regione facilisi aliquando cu. Ad aeque reformidans mediocritatem vim.