Најдобрите вежби за ,,невидливите,, мускули

Некои мускули на нашето тело се често запоставени, што води до мускулен дисбаланс и во завршницата се одразува негативно врз здравјето и локомоторниот систем. Овие три групи на мускули најчесо се запоставуваат, па мора да се додадат некои специјално наменети само за нив вежби, со цел дополнително да се активираат.Секогаш мора да водиме сметка со вежбањето да ги активираме и развиваме подеднакво сите мускули на телото. Со оглед на тоа што многу вежбаат со цел да изгледаат подобро, акцентот за време на тренингот воглавно се става на оние мускули кои се важни за добар атлетски изглед. Кај мажите тоа се рацете, градите и рамењата, а кај жените тоа се убаво обликованиот задник и затегнатите нозе. Токму поради таквиот пристап некои мускули се запоставени. Во продолжение погледнете кои се трите групи на мускули кои најчесто се запоставуваат, како и кои вежби можете да ги вклучите во својот тренинг со цел дополнително да ги активирате.

Листови

Многумина ги запоставуваат големите мускули на нозете, квадрицепсите или задната ложа, и не ги активираат со дополнителни вежби. Силните и развиени мускули на потколеницата се важни за здравјето на сврзното ткиво, на колената и на скочниот зглоб. Правете вежби за подигање на мускулите неколку пати неделно. Направете 4 – 5 серии од по 10 – 15 повторувања. Истегнете го листот максимално во долната положба, а потоа подигнете се на прсти колку што можете најмногу.

Заден дел од рамењата

Мускулите во задниот дел на рамењата учествуваат во многу вежби за грбот, но тоа не е доволно за нивниот оптимален развој и јакнење, а тие се исклучително важни за здравото држење и движење. Слабите мускули на задниот дел од рамењата може да се препознаат по “паѓањето” на рамењата кон напред. Правете латерални подигања на клупа, со градите потпрени на колената. Контролирано спуштајте ги и кревајте ги рацете, кои се благо свиткани во лактот, без притоа да го поместувате торзото.

Мускули на долниот дел од грбот

Иако всушност сите мускули на телото се важни за одржување на стабилноста на половината, сепак мускулите во лумбалниот дел мора да бидат појаки и поиздржливи за да може половината да биде безбедна и без болки. Вежбата “добро утро” одлично ќе ги развие тие мускули. Ставете шипка на грбот и тргнете ко претклон, така што колковите и задникот ќе ги туркате нанапред со благо свиткани колена. Најважно е да останете во неутрална положба, со лумбалниот дел на грбот за време на целото движење.