Се сеќавате ли како се почувствувавте кога за првпат почнавте да вежбате? Сакавте брзи резултати, па одевте во фитнес салата речиси секој ден без одмор, надевајќи се дека ќе напредувате побрзо и ќе изгледате подобро доколку вложите повеќе напор во вежбањето. Тоа е она што им се случува на 99 проценти од почетниците во спортовите кои бараат сила и перформанси. Тие се толку мотивирани да успеат, што на крајот тие завршуваат вежбајќи премногу и им штетат на нивните придобивки, или уште полошо – завршуваат со повреди .

 

Доколку интензивно вежбате цело време, може во прво време вашето тело да изгледа затегнато и цврсто, но на долг рок ќе завршите помалите и послаби. Прочитајте ја листата на најчестите симптоми на претренираност. Ако забележите дека имате два или повеќе од овие симптоми, време е да се повлечете, да си оставите време за одмор или да направите deload недела.

 

Губење на силата

 

Тежините кои ги кревате се спуштаат надолу и имате чувство дека треба да ги намалите. Но, да не сфатите погрешно, губењето на силата е природна работа и може да се случи привремено, но доколку вашата сила опаѓа постојано, треба да се разгледа можноста за земање пауза или намалување на некои вежби / серии / повторувања на тренингот.

 

Чувствувате замор цело време

 

Постојаното чувство на замор е добар показател дека ви се случува претренираност или недоволно се одморате .

 

pretreniranost_2

 

Болка во зглобовите и лигаментите

 

Доколку вежбате веќе некое време, веројатно можете да направите разлика помеѓу “добрата” болка ( DOMS ) што ќе ја почувствувате после интензивен тренинг и “лошата ” болка, кога вашиот лакт ве боли и не можете да направите движења кои вклучуваат туркање, на пример .

 

Намален имунолошки систем

 

Имате настинка и грип почесто. Падот на имунолошкиот систем е чест симптом на премногу физичка работа.

 

Зголемување на срцевите отчукувања

 

Иако не правите било каква физичка работа, вашето срце забрзано чука. Ова може да се случи дури и кога се релаксирате, седите и удобно гледате телевизија. Покачениот крвен притисок е исто така можност.

 

Бавно време на закрепнување

 

И покрај тоа што јадете и спиете редовно, вашите мускули се чувствуваат болно и по неколку дена по тренингот, и не сте во можност да ја вежбате истата мускулна група следната недела.

 

Губење на апетитот

 

И покрај тоа што вежбате многу напорно, не чувствувате потреба да ја надополните енергијата која сте ја изгубиле.

 

 

Несоница

 

Повторно, дури иако вежбате многу напорно и се чувствувате преморени, сеуште не можете да заспиете навечер.

 

Промени во расположението

 

Се чувствувате нервозни и / или депресивни цело време.

 

Се чувствувате немотивирано

 

Едноставно не ви се допаѓа идеата да одите во теретана или да внимавате на исхраната. Можете дури и да не бидете мотивирани да правите други работи што обично ви се допаѓаат .

Eripuit oporteat patrioque vel ne. Albucius voluptatum eu vel. Sea nisl voluptaria sententiae et, eum autem fuisset definitionem no. Id paulo dicam postea nam, quo regione facilisi aliquando cu. Ad aeque reformidans mediocritatem vim.