Не постои ниту една супстанција во природата која е толку многу прилагодена на потребите на едно живо суштество, и тоа во сите негови животни доби, како што е тоа случајот со матичниот млеч. Познато е дека сите пчелни производи се чуда на природата, но на врвот на таа листа е дефинитивно матичниот млеч поради својата биолошка цел во кошницата – да биде мајчино млеко за сите бебиња пчели – ларви – и единствена храна на кралицата матица до крајот на нејзиниот долг, здрав и исклучително плоден живот.

Бидејќи природата насекаде низ планетата зборува на својот универзален јазик, така и млечот во организмот на човекот се однесува речиси идентично како и во организмите на ларвите и матицата, кога ќе се внесе по пат на исхраната. На младиот организам му овозможува урамнотежен и оптимален раст и развој, го јакне имунитетот и штити од инфекции, го прави ефикасен и метаболизмот – максимално впивање на хранливите материи, а исфрлање на штетните материи и токсините од организмот.

Во организмот на возрасните млечот ги има истиве овие ефекти, со тоа што, наместо раст и развој, ја забрзува регенерацијата, редовно ги обновива клетките и ткивата оштетени од било каква повреда, воспалителен процес, од токсични материи или од штетно зрачење.

Еден од ефектите поради кој ниедна лековита билка не може да се спореди со него се намалените последици од стрес врз организмот. Но, млечот овој ефект не го претставува по пат на смирување (седација), туку така што ја јакне отпорноста на целиот организам, ја зголемува количината на расположлива енергија во сите органи и ткива и го намалува производството на стресни хормони во организмот, со што се намалува притисокот на сите ткива и органи. На тој начин го намалува ризикот од сте здравствени пореметувања и болести и им го продолжува животниот век на клетките. Поради овие ефекти руските научници заклучиле дека тој ја намалува староста на ткивата и органите, а со самото тоа и на целиот организам, во однос на хронолошката старост. Имено, оние кои со години користат матичен млеч во мали дневни дози, по пат на додаток во исхраната, имаат толку многу зачувани и функционални органи, како да се 10-20 години помлади, што покажуваат и лабораториските испитувања, а и самите тие го имаат тоа субјективно чувство. Тоа е многу важно, бидејќи психолошкото чувство за старост има големо позитивно влијание врз самото тело.

 

Првите ефекти и оптималните количини

Што се однесува до започнување на користењето, најважни се првите три месеци, како период во кој организмот ги прима и ги запишува информациите во своите клетки. За време на првиот месец доаѓа до интензивно чистење на организмот или детоксикација, кога преку лимфата и крвотокот, но и преку кожата, насобраните токсини се исфрлаат од организмот. Во тој период човекот чувствува прилив на физичка и умствена сила, со што доаѓа до јакнење на нервниот систем и на имунитетот, како и до побрза регенерација и опоравување по некоја болест. Веќе по вториот месец се намаллува производството на стресните хормони во телото, како и последиците од стрес, што резултира со многу подобри лабораториски анализи и општа здравствена состојба.

На крај од третиот месец регенерацијата на ткивата е во мала предност во однос на нормалното биолошко пропаѓање на клетките и нивното оштетување за време на некое воспаление, инфкција, повреда или како последица од живеењето во стресни и загадени опкружувања, па заклучиле дека матичниот млеч го забавува стареењето на организмот.

Вљубеничка во здравата исхрана и науката, сака да чита литература од разни жанрови и обожава медицина