Ова се најважните витамини потребни на варењето. Погледнете како секојдневно да ги внесувате во организмот и како да ги вклучите во прехранбените навики.

Витамин Б

Витамините од Б-групата се наоѓааат во протеините како што се рибата, живината и млечните производи, во лисјестиот зеленчук и гравот. Ти помагаат во создавањето на црвените крвни зрнца и во претворањеро на храната во енергија. Витамините од Б-групата се растворливи во вода и треба да бидат дел од секојдневната исхрана. Со оглед на тоа што учествуваат во разградување на протеините, јагленохидратите и мастите, тие се неопходни за правилна работа на органите за варење.

Витамин Б1

Познат како тиаин, важен е за метаболизмот на јагленохидратите и за регулирање на апетитот. Најмногу го има во житарките од цело зрно, мешунките и свинското.

Витамин Б3

Познат како ниацин, тој е важен за многу функции на системот за варење, вклучувајќи го метаболизмот на јагленохидрати, масти и алкохол. Недостигот на ниацин може да доведе до болест позната како пелагра. Ниацинот може да се најде во печурките, лисјестиот зеленчук, рибата и месото.

Витамин Б6

Познат е како пиридоксин. Помага во системот за варење и во разградувањето на протеините. Може да се најде во месото, рибата, јајцата, млекото, спанаќот и компирите.

Витамин Б7

Познат е како биотин. Тој му помага на системот за варење во производството на холестерол и разградување на протеините, јагленохидратите и масните киселини. Намирници кои го содржат витаминот Б7 се карфиол, морков, печурки, сирење и банани.

Витамин Б12

Познат е како кобаламин. Тој помага во производството на црвените крвни зрнца, го штити срцето и нервниот систем, а некои истражувања покажуваат дека помага во борбата против ракот на дебелото црево и превенцијата од Кронова болест. Исто така, овој витамин има важна улога во процесот на претворањето на јагленохидратите во гликоза. Може да се најде во намирниците од животинско потекло, како што се месото, рибата, млекото и јајцата.

Витамин Ц

Многу луѓе го поврзуваат витаминот Ц со јакнењето на имунитетот и спречување на настинки, но овој витамин не служи само за тоа. Тој помага и во варењето и во апсорпцијата на железото. Витаминот Ц му помага на телото да произведува доволно колаген за оддржување на ткивата на гастроинтестиналниот тракт. Може да се најде во агрумите, црвената пиперка, црната рибизла, киви, кељ, брокула, зелка, шипка и спанаќ.

Витамин Д

Витаминот Д му помага на телото да го апсорбира калциумот и игра клучна улога во функционирањето на нервите, мускулите и имунолошкиот систем. Една студија од 2015 година наведува дека здравите количини на витамин Д се поврзани со намалувањето на ризикот од рак на дебелото црево. Постојат три начини на кој може да се добие витаминот Д:

  • Преку изложување на сонце

  • Со помош на додатоци во исхраната

  • Преку исхраната (риба, жолчки, млечни производи)

 

Вљубеничка во здравата исхрана и науката, сака да чита литература од разни жанрови и обожава медицина