Мафини – вистинско протеинско задоволство

Во прилог следат три различни рецепти за подготовка на мафини, со високо количество на протеини и за нивната подготовка се потребни околу 15-тина минути.

Мафини со крем од посно сирење и шумско овошје

Станува збор за нискомаслена комбинација, при што односот на протеини и јаглехидрати е 1:1. Овие мафини покрај тоа што се одличен избор за доручек, се и едноставни за подготовка. Времето за подготовка е 15 минути, а времето за печење е 3 минути.

Состојки (за 4 мафини):

За подготовка на смесата:

• 30 г овесни снегулки
• 10 г пченични трици
• 10 г суво грозје
• 4 г прашак за пециво
• 50 г јајца

За подготовка на кремот:

• 100 г посно сирење
• 30 г протеинска сурутка
• 50 г замрзнато шумско овошје

Начин на подготовка:

Состојките за смесата изматете ги со миксер. По потреба додавајте вода. Смесата треба да биде густа, но и течна. Истурете ја смесата до половина од калапите за мафини и ставете ги во микробранова печка, 3 минути на најсилно.

Во друг сад добро промешајте го посното сирење и протеинската сурутка. Во смесата додајте замрзнато овошје и убаво промешајте. Изведете ги мафините од микробрановата печка и наполнете ги калапите со кремот од сирење.

Нутритивна вредност за еден мафин:

Енергетска вредност: 110kcal

Протеини: 12,3g

Mасти: 2,3g

Jаглехидрати: 10,3g

Мафини со протеинска сурутка и банани

И овие мафини претставуваат одличен избор за појадок и се доста едностави за подготовка. Времето за подготовка е 5 минути, а времето на печење е 3 минути.

Состојки(за 4 мафини):

• 100 г банани

• 30 г протеинска сурутка(whey протеинска сурутка)

• 50 г посно сирење

• 50 г јајца

• 4 г прашак за пециво

Начин на подготовка:

Бананите исечете ги на коцки и промешајте ги со сирењето. Дадајте ги јајцата, протеинската сурутка и прашакот за пециво и добро промешајте. По потреба, додајте малку вода. Истурете ја смесата во калапите. Можете да користите картонски калапи, но подобра опција се силиконски калапи. Ставете ги во микробранова печка 3 минути. Доколку мафините не ви се доволно слатки можете да направите шлаг: промешајте малку нискомаслено какао, протеинска сурутка и засладувач. Додавајте вода се додека не ја добиете посакуваната густина.

Нутритивна вредност(за еден мафин, без шлаг):

Енергетска вредност: 76 kcal

Протеини: 9,3 г

Масти: 1,8 г

Јаглехидрати: 7,3 г

Чоколадни мафини од тиквици

 Можеби оваа комбинација делува чудно, но тиквиците се извонреден зеленчук за подготовка на мафини. На мафините им даваат убав вкус, а на вас потребните влакна. Ваков тип на оброк е идеален како последен оброк пред спиење, поради ниската количина на јаглехидрати. Времето на подготовка е 10 минути, авремето на печење е 3 минути.

Состојки за 4 мафини:

• 100 г тиквици

• 10 г кокосово брашно

• 10 г ниско маслено какао

• 50 г јајца

• 50 г посно сирење

• 30 г протеинска сурутка (whey протеин)

• 4 г прашак за пециво

Начин на подготовка:

Тиквиците добро измијте ги, а потоа отстранете ја кората. Со ножици за лупење на компири исечете ги месестите делови од тиквицата на ленти. Ставете ги во блендер и додајте какао, кокосово брашно, јајца и посно сирење. Додајте прашак за пециво и протеинска сурутка, а по потреба додавајте вода. Смесата поделете ја во 4 калапи, кои во микробранова печка треба да се печат 3 минути.

Нутритивна вредност (за 1 мафин):

Енергетска вредност: 80 kcal

Протеини: 10,5 г

Масти: 3,5 г

Јаглехидрати: 2,5 г