Крокети од просо
Потребно:
- 20 дкг. просо (просена каша)
- 6-7 гр. сол
- 6 дкг. ситно сецкан кромид
- 1 голема главица лук
- 5 листа босилок (може и сув)
- 1 лажица оригано
- 1 лажичка мелен црн пипер
- 1/2 литар масло за пржење
- 6 дл. вода
- 5-6 големи лажици лебни трошки
Подготовка:
Просото ставете го во цедилка и измијте го со студена вода. Потоа ставете го во тенџере, налејте 6 дл. студена вода, посолете, ставете црн пипер и варете 15 минути со постојано мешање додека просото не се распадне целосно.
Ситно сецканиот кромид пропржете го на 2 големи лажици масло и додадете го во свареното просо. Додадете им го лукот, ситно сецканиот босилек и ориганото. Со влажни раце од смесата обликувајте крокети и валкајте ги во лебните трошки. Пржете ги во врело масло додека не се вцрвенат.