Кортизолот и неговото влијание врз вежбањето

Ако хормонот по име кортизол почне да достигнува високи нивоа во телото и тоа во константен период, тогаш е можна ситуацијата кога вашето тело го саботира сиот ваш труд во теретана или на справите за кардио вежби па нема да ја постигнете целта, сеедно дали се работи за формирање мускули или за топење масти. Листата на негативни последици е подолу во текстот, но за среќа нивото на кортизол може да се контролира со исхраната, вистински пристап кон вежбањето , како и намалување на стресот во секојдневните животни ситуации.

Кортизолот, често наречен хормон на стресот, се произведува во текот на денот во најголеми количини како одговор на стресни ситуации, кортизолот се произведува во надбубрежните жлезди и телото го испушта во текот на денот во различни количини. Нивото на кортизол е најголемо во утринските, а најмало во вечерните часови, освен во случај кога во текот на денот сте изложени на стрес, а со самото тоа и на додатно зголемување на нивото на кортизол.

Некои од предностите на овој хормон се зголемување на краткотрајната меморија, поддршка на црниот дроб за отстранување на токсините од организмот, помала чувствителност на болка…Имунолошкиот систем на организмот заедно со овој хормон го регулира нивото на шеќер во организмот.

Недостатоците вклучуваат зголемен крвен притисок и намалување на густината на коските. Секако, во ситуација каде е зголемено производството на кортизол.

Кои се симптомите на кортизол?

Откако ќе се покачи нивото на кортизол. Секако, вие не чувствувате никакви моментални промени. Меѓутоа, доколку зголемувањето на нивото на кортизол е зачестено, т.е. константно неколку месеци или години тогаш можеме да зборуваме за негативните влијанија на кортизолот. Здебелувањето (особено на пределот на стомакот) , забрзаното стареење, опаѓањето на имунолошкиот систем и чирот на желудникот често се поврзуваат со личностите со зголемени количества на кортизол).

Некои од симптомите на зголемени нивоа на кортизол во константен период се:

• Постојан замор
• Ладнираце и нозе
• Депресија
• Ниска сексуална желба
• Нисконивонацинк
• Ниско ниво на магнезиум

Како кортизолот влијае на вежбањето?

Формирање на мускулите

Познато е дека тестостеронот помага во обликување на мускулите и дека е еден од анаболичките хормони, а кортизолот го прави сосем спротивното. Тој е катаболички хормон кој ја намалува синтезата на протеините и го спречува растот на мускулното ткиво.

По еден час тренинг со тегови доаѓа до опаѓање на нивото на тестостерон и зголемување на нивото на кортизол. Ова е секако многу лоша комбинација, па затоа имајте на ум да го завршите тренингот со тегови во рок од еден час.

Премногу кардио активности влијаат на зголемување на нивото на кортизол, што доведува до гувење на мускулните ткиво и на крајот го извртува исходот и целта на кардио тренингот. Затоа, бидете внимателни со премногу на број и долготрајни кардио активности, затоа што понекогаш помалку е повеќе и обидете се да ги ограничите вашите кардио активности од 3-5 пати неделно – ќе имате подобри резултати отколку да ги практикувате секој ден.

Како да се контролира нивото на кортизол ?

1. Како што е наведено во текстот, ограничете го вашето вежбање  со теговина 1 час. По еден час доаѓа до опаѓање на нивото на тестостерон и зголемување на нивото на кортизол . Обидете се вежбањето да го завршите во рок од еден час , кратко и интензивно !

2.Немојте да претерувате со кардио активности , бидејќи премногу кардио-активности водат кон зголемување на нивото на кортизол .

3.. Направете обид да обезбедите 5-7 мали оброци во текот на денот , бидејќи е утврдено дека малите и чести оброци во текот на денот ги спуштаат нивоата на кортизол во текот на денот . Најважните оброци се појадок и оброк после тренингот (PWM ). Потрудете се за појадок да внесете квалитетни јаглехидрати и протеини кои помагаат во контролирањена нивото на кортизол , а како што е општо познато PWM треба да биде комбинација на протеин од сурутка и декстроза, што помага да се намали кортизолот. Храната со низок гликемиски индекс помага да се контролира нивото на кортизол .

4. Обидете се да го намалите секојдневниот стрес. Одморете и обидете се да најдете методи кои  ќе ве релаксираат .

5. Осум часа спиење е идеално, а минимум треба седум часа. За време на спиењето нивото на кортизол е мало, а се  го зголемува нивото на хормонот за раст .

6. Кортизолот може да биде покачен поради внесувањето на кофеин и тоа со само 2-3 чаши на ден.

Треба да се има на ум дека лачењето на кортизол е индивидуална работа. Кај две лица можно е да дојде до различни количини на лачење на кортизол во исти ситуации.