Една од дневните навики кои можете да ги вклучите во својот распоред е да го започнете денот со утрински тренинг. Вежбањето наутро е одлична можност за да го унапредите својот ден. Никој нема да ви пречи, а ќе бидете неколку часа пред другите. Раниот утрински тренинг ги зголемува хормонските активности и ви го уфрла метаболизмот во петта брзина. со постојано согорување на мастите. Вежбите ја зголемуваат будноста и помагаат за подобар сон навечер. Наутро е постудено. Вежбите сред ден можат да бидат потешки, посебно во лето, кога температурите се многу повисоки. Раното утро е опцијата која ќе ви овозможи да генерирате повеќе сила и интензитет.

Но, станувањето од кревет наутро не е лесно за многумина од нас. Може да се чувствуваме уморно во првите неколку мигови по будењето и имаме огромна желба да се свртиме на страна и да продолжиме со спиењето. Сепак, вежбите за време на раните утрински часови носи многу предности, а ќе се чувствуваме многу подобро подолго време. Најважни се праксата и навиката. Дури и ако не сте ранобудници. Репрограмирајте го часовникот во вашето тело. За тоа ви треба само малку повеќе упорност. Доволни се 20 дена за од спанко да се претворите во ранобудник, кој ужува во утринските вежби. Дозволете му на своето тело да се навикне на новата рутина. Во првите седум дена местете го будилникот 30 минути пред вообичаеното време кога станувате. Потоа во текот на втората недела додадете 15 минути. Третата недела додајте уште 15 минути. Започнете со лесни тренинзи, а потоа постепено зголемувајте го интензитетот.

Совети за утрински вежби

Ако тренирате дома, вежбите како стомачни, склекови и чучнувања се добар избор. За време на тренингот слушајте ја својата омилена музика. Истражувањата покажале дека оние кои вежбаат со омилената музика, во состојба се да согорат повеќе калории за еден час од оние кои не го прават тоа. Откако ќе се разбудите, испрскајте го лицето со вода. Потоа испијте една чаша вода. Водата не само што ќе ве разбуди, туку и ќе ви го хидрира организмот. Кога ќе ја испиете водата, телото ќе добие порака дека повеќе не се враќате во кревет.

Едноставни тренинзи за дома

Вежба бр. 1

utrinska-vezba1

Раширете ги нозете значително пошироко, со прстите поставени нанапред. Спуштете се кон долу во најниската можна положба. Држете ги колената така што да одат преку прстите. Исправете ја главата, стиснете ги колковите и вратете се во првобитната положба. Издишете додека се исправате.

Вежба бр. 2

utrinska-vezba2
Застанете покрај ѕид, така што со рамениците ќе се допирате до него, а нозете ќе ги свиткате под агол од 90 степени. Петите треба цврсто да се залепени за подот. Обидете се да останете во таа положба 30 секунди, ако сте почетник. Оваа вежба е совршена за вашите нозе и колкови.

Вежба бр. 3

utrinska-vezba3

Заземете полошба на ,,штица,,. Легнете на под, подигнете го телото и свиткајте ги малку лактите за да го засилите притисокот на надворешниот дел на градите. Останете во оваа положба 30 секунди. Држете го телото цврсто стегнато.

Вежба бр.4

utrinska-vezba4

Исчекорете со едната нога нанапред и држете го притоа грбот исправен. Спуштете се директно долу, со другото колено само малку над подот. Фокусирајте се на чувството на тежина во предните квадрицепси. Држете ја ногата под агол од 90 степени.

Вежба бр. 5

utrinska-vezba5

Заземете push up положба, со задникот високо подигнат нагоре. Исправете ги лактите, спуштајте се надолу, така што главата да ви се најде помеѓу рацете. Не кривете го грбот. Потоа заземете ,,кобра,, положба, со главата насочена кон нагоре. Спуштете се надолу наназад и по истиот пат вратете се во почетната положба. Држете ги лактите цврсто за време на ова движење.

Вљубеничка во здравата исхрана и науката, сака да чита литература од разни жанрови и обожава медицина