sogoruvanje-posle-trening

 

Постојат добри шанси дека сте слушнале за ефектот на согорување после тренингот. Тој се однесува на фактот дека вашето тело продолжува забрзано да согорува калории, дури и после тренингот…

Исто така може да се сретне како кислороден долг, наплата на потрошувачка на енергија, или вишок на пост-вежбална кислородна потрошувачка. Ова е сè уште контроверзна тема, главно поради фактот дека има уште многу неизвесности околу големината на овој ефект, должината на неговото траење и видот на придонес кој го има врз процесот на губење на тежината.

Во најновата студија на оваа тема, истражувачите од Државниот универзитет во Колорадо презентираа нови интересни податоци за бројот на согорени калории за време на тренингот и по завршување на истиот. За два дена колку што траеше испитувањето, субјектите кои учествуваа во студијата живееа во метаболичка комора. Едниот ден, тие изведуваа брз тренинг кој вклучуваше што е можно побрзо возење на стационарен велосипед во период од 30 секунди. Тие правеа вкупно пет брзи возења меѓусебно одделени со четири минутен период на обновување каде што возеа полека со многу мал отпор.

sogoruvanje_tabela

Сликата горе ја покажува минута по минута потрошувачката на енергија за време на денот за одмор и денот кога почнаа со еден брз интервал на обука (SIT). Иако има голем скок во потрошувачката на енергија за време и непосредно по самиот тренинг, наскоро падна повторно назад во нормала.

Колку екстра калории согореа испитаниците? 500? 750? 1000 ?

Просечниот пораст во потрошувачката на енергија на денот на тренингот беше 225 калории. Но, тоа не е само калориите согорени по тренингот, туку калории согорени за време на вежбањето и после истото .

Не можев да најдам слика од 225 калории, но следната ви покажува како изгледаат 200 калории – помалку од еден чоколаден мафин. На кратко, тренингот немаше никакво влијание врз метаболизмот при одмор мерен 23 часа после вежбање. Сите калории беа согорени за време и веднаш (2-3 часа) по самиот тренинг.

sogoruvanje2

По пат на споредба, во една студија на Државниот универзитет на Апалачи, со користење на многу сличен дизајн на студијата, откриле дека 45 минутна стабилна кардио вежба (возење на велосипед на 85 % максимална срцева фрекфенција) беа согорени нешто повеќе од 700 калории – 519 за време на самиот тренинг и 190 по неговото завршување.

Морам да истакнам дека постои анаеробна компонента на потрошувачката на енергија, која не беше измерена во ниедна од студиите.

Една од предностите на двете студии е фактот дека истражувачите користеле метаболичка комора, наместо Даглас торба или метаболички карт систем за проценка на бројот на согорени калории. Во втората студија, времето на мерење е обично ограничено на 15-30 минути, а потоа е продолжено на 24 часовен период. Метаболичките комори овозможуваат потрошувачката на енергија да се мери постојано, што ги прави ваквите студии многу поточни.

Како интензитетот на вежбање се зголемува, анаеробната компонента се повеќе придонесува за трошење на калориите. Оставајќи ја оваа анаеробна компонента на страна, како што се прави во многу од студиите, се резултира со нецелосна проценка на бројот на согорени калории.

Кристофер Скот, професор на Универзитетот на Јужен Мејн , има објавено голем број на студии на оваа тема. Во 2005 година, тој спровел истражување за да покаже дека анаеробниот придонес за потрошувачката на енергија за време на тренингот ќе го зголеми бројот на согорени калории за околу 65%, во споредба со 10% зголемување при одење на подвижна лента. Меѓутоа, кога беше запрашан за ова истражување во некое подоцнежно интервју, Скот алудираше на фактот дека тие бројки, веројатно, биле погрешни.

“Јас не би се сложил во целост со тие броеви” – вели тој. “Но, ни дадоа подoбра слика дека ние сме веројатно далеку во однос на гледање на вкупната потрошувачка на енергија при кревање на тегови или спринт активности.”

Постои некаков вид на анаеробен придонес за потрошувачката на енергија , особено за време на интензивно вежбање. Но, никој не е навистина сигурен колку изнесува таа.

 

Едно од другите прашања поврзано со повеќето истражувања на EPOC е дека субјектите беа испитувани во состојба на енергетски биланс. Со други зборови, на луѓето кои учествуваат во истражувањата им беше дадено повеќе храна за да се компензира вишокот на согорени калории за време на тренингот. Зошто е ова важно?

Ако имате дефицит на калории (во случај кога сакате да ги намалите мастите), ефектот на согорување после тренинг ќе биде помал отколку што инаку би бил. Во една студија, дводневна диета ги намали согорените калории по вежбањето за 40-50%. Значи имајте на ум дека повеќето проценки на потрошувачката на калории за време и по завршувањето на вежбите се само тоа, проценки. Тие не го земаат во предвид анаеробниот придонес за потрошувачката на енергија, а исто така се под силно влијание од типот на вашата диета.

Истражувачите всушност не ја мерат потрошувачката на калории за време на вежбање. Тоа е повеќе како прогноза, базирана на најдобрите алатки и методи кои им се достапни во моментот. Исто како и аналитичарите на пазарот, фудбалските експерти и метеоролозите, постојат шанси дека некои од нивните предвидувања може да се покажат погрешни.