Кегеловите вежби ги зацврстуваат мускулите на карлицата, односно мускулите кои го поддржуваат мочниот меур и долниот дел од дигестивниот систем. Ослабените мускули на овој дел се секогаш причина за уринална или фекална инконтиненција (неможност за задржување на урината и столицата), болки во рбетот, но и проблеми со ерекцијата. Зајакнувањето на овие мускули е особено важно во борбата против уринарната инконтиненција, посебно кај мажите, кај кои овој проблем е почест во подоцнежното животно доба.

Освен што Кегеловите вежби му ја враќаат на мажот контролата над неговиот мочен меур, помагаат исто така и при постигнување и оддржување на ерекција. Овие вежби се многу едноставни и можат било каде да се изведуваат, но пред тоа треба да се детектираат мускулите на карличното дно.

Најчесно тоа се постигнува при мокрење, така што тогаш треба да се обидете да го прекинете мокрењето или да го забавите млазот на урината. Не ги затегнувајте мускулите на ногата, стомакот или на задникот и не го задржувајте здивот. Оние мускули кои ќе ги почувствувате притоа, тоа се тие мускули кои треба да ги зајакнете.

 

Бенефити од Кегеловите вежби за мажи

 

Јакнењето на мускулите на дното од карлицата може да помогне пи бројни здравствени проблеми:

 

  • ја спречува неможноста за задржување на урината,
  • го спречува ,,капењето,, на урината по мокрење,
  • го намалува бројот на ноќните потреби за мокрење,
  • ја намалува болката иотеченоста кај бенигно зголемена простата,
  • помага во лекување на восспаление на простата,
  • помага во постигнување посилна и подолготрајна ерекција,
  • развива поголема способност за контролирање на оргазмот.

Како се изведуваат Кегеловите вежби за мажи?

 

  1. Испразнете го мочниот меур и легнете на под. Опуштете ги мускулите на стомакот, задникот и нозете.
  2. Нозете може да ги свиткате во колената или да ги испружите рамно.
  3. Затегнете ги мскулите на карлицата и полека бројте до пет, а потоа опуштете се, исто така со броење до пет. Ова опуштање со повторување е многу важно, бидејќи без него може да ги повредите мускулите.
  4. Повторувајте ја постапката 10 пати, и тоа три пати дневно.

 

Со тек на време нема да морате да легнувате за да можете успешно да ги правите овие вежби. Ќе можете да ги изведувате и стоечки и седеечки.

 

Ако на почеток ви е тешко да ги држите мускулите стегнати 5 секунди, почнете со две или три секунди, па постепено зголемувајте го нивниот број до 10. Изведувањето на вежбите во стоечка положба најмногу ги оптоварува мускулите, па со тоа и најмногу ги јакне. И секогаш внимавајте да не и активирате другите мускули, односно да ви работата само мускулите на дното од карлицата.

Кегелови вежби за мажи – видео

 

По само 3 до 6 недели ќе ги почувствувате првите подобрувања во спречување на инконтиненцијата и поголема контрола врз мочниот меур, но и подобрување на сексуалниот живот.

 

Кегеловите вежби можете да ги освежите и дополните и со други вежби за разновидност и за подобар ефект:

 

 

Легнете на под, со нозете свиткани во колената. Вдишете и подигнете ги колковите од поодт, така што грбот да ви биде рамен во линија со колковите. Ќе ги почувствувате стомачните мускули и мускулите на нозете, но обидете се активно да ги затегнете и мускулите на карличното дно. Задржете се во таа положба неколку секундни, а потоа со издишување спуштете се во почетната положба. Повторете 10 пати.

 

 

 

Легнете на под, со нозете испружени пред себе, а дланките, свртени кон подот, поставете ги под задникот. Со контракција на стомачните мускули, подигнете ги двете нозе формирајќи прав агол од 90 степени. Стапалата исправете ги кон таванот и затегнете ги мускулите на нозете. Активирајте ги мускулите на карличното дно на неколку секунди и обидете се да го почувствувате нивното затегнување. Потоа полека вратете се во почетната положба. Повторете ја оваа вежба 10 пати.

 

Вљубеничка во здравата исхрана и науката, сака да чита литература од разни жанрови и обожава медицина