На 20 години пробајте се што можете

Кога немаат сопруг и деца, повеќето жени во дваесеттите години од животот јадат надвор со пријателите кога ќе посакаат и што ќе посакаат. Запомнете, со јадењето надвор се внесуваат повеќе калории отколку што е тој случај доколку готвите дома. Меѓутоа, сигурно не сте подготвени да се откажете од општествениот живот поради некој килограм повеќе, но и за тоа постои решение. Во речиси секој ресторан постои барем едно поздраво јадење, па решете се за него или изедете само половина порција од она што е помалку здраво. Уште еден проблем специфичен за дваесеттите години од животот е прескокнувањето на оброците, а тоа подоцна води до прејадување во текот на денот. Мора да знаете дека телото е умно и ако немате внесено доволно калории, навечер ќе бидете гладни, кога е најмалку пожелно да се јаде.

Затоа, препорачливо е да пробате што повеќе да тренирате и да го најдете соодветниот тренинг за себе. Препорачливи се 4 кардио тренинзи неделно во траење од 30 до 45 минути. Секогаш на крајот од таквиот тренинг потребно е да се направат вежби за јакнење на мускулите на стомакот, кои се состојат од неколку вежби, кои можете да ги направите за 15 до 20 минути.

Во триесеттите години најдобар избор се интервалните тренинзи

Жените кои само што родиле сметаат дека постигнале успех ако се наспијат добро или ако успејат да ја измијат косата. За вежбање да не зборуваме. Сепак, во поголемите градови постојат центри во кои може да се вежба и со деца. Во спротивно, ви преостанува да пуштите некое видео и да вежбате дома додека бебето ви спие. Исто така се препорачува по породувањето да се оди на долги прошетки, бидејќи тоа гарантира брзо враќање во форма. Но, ако сакате да имате добра линија, морате дома да имате здрави намирници, како готови здрави јадења, овесни снегулки и овошје, млечни производи со низок процент на масленост. Наместо кајгана и леб, изедете тестенини со доматен сос или туна од конзерва со салата.

Во триесеттите години се препорачуваат интервални тренинзи, во кои постојано се повторуваат потешки и полесни вежби, како што е кружен тренинг, бидејќи така побрзо се намалува поткожното масно ткиво и се оддржува мускулниот тонус. Посебно внимание треба да се обрати на стомакот, бицепсите, грбот и задникот.

Во четириесеттите години губите од мускулната маса и затоа не го одбегнувајте вежбањето

Со стареењето метаболизмот се забавува, се намалува удделот на мускулната маса, а сето тоа доведува до трупање на килограми. Но, со внесувањето на доволна количина протеини и со редовна физичка активност може да се забави тој процес. Исто така, треба да одбегнувате замрзната храна и онаа со достава. Планирајте што можете набрзина да подготвите за вечера и сетете се дека подобар избор е сендвич со туна или пилешко, отколку смрзната пица или достава од кинески ресторан.

Во овие години метаболизмот е далеку позабавен од оној на некој на дваесет години за околу 10% и мастите многу се насобираат на половината. Сето тоа е директна или индиректна последива од падот на нивото на естроген. Ова се клучни години кои ќе ве оддржат физички активни и независни во третото доба. Одвојте три до пет дена во неделата за аеробни активности во траење од 45 до 60 минути. Бирајте меѓу брзо одење или лесно трчање и два до три пати правете тренинг на сила.

 

Тагови: слабеење
Вљубеничка во здравата исхрана и науката, сака да чита литература од разни жанрови и обожава медицина