Kако да се одбегне дебелеењето околу стомакот по 40-та?

Со приближувањето на менопаузата доаѓа до хормонски промени во организмот, губење на мускулната маса и забавување на метаболизмот. Жените кои не сакаат да се здебелат, посебно на пределот околу стомакот по 40-та година од животот, треба редовно да вежбаат, да јадат јаткасти плодови, посебно бадеми, бидејќи се добри за срцето, и интегрални житарки, а шеќерот треба целосно да ги исфрлат.

Квалитетна и здрава исхрана подразбира три главни оброци и два меѓуоброка во временски период од 3 до 4 часа. Со таквиот распоред на оброците не постои опасност од претерана глад и консумирање преголеми количини храна во еден оброк. Исто така е важно да се консумираат целосни оброци, во кои се застапени сите хранливи материи (јагленохидрати, масти и белковини). За меѓуоброк треба да се одбере сезонско свежо овошје, суво овошје, јаткасти плодови, моркови, целер во комбинација со јогурт или други ферментирани производи. Предност треба да им се даде на јагленохидратите како што се компирот, оризот, тестенините, црниот леб и другите житарки – јачменот, ржта и хељдата.
Добар извор на белковини од животинско потекло се мисиркиното месо, пилешкото, црвеното месо, сирењето, јајцата и ферментираните млечни производи како што се јогуртот, киселото млеко, ацидофилите или кефирот, рибата, раковите и школките. Мешунките (гравот, леблебијата, грашокот), целите житарки и јаткастите плодови ќе го снабдат организмот со белковини од растително потекло.

Не заборавајте ги мастите

Мастите се многу важни, па затоа не ги исфрлајте од менито, но внимавајте на изборот. Маслиновото масло е одличен извор на масти. Освен маслиновото, добар извор на масти се сончогледовото, лененото и сусамовото масло. Семките од сусамот, ленот и сончогледот можат да се додаваат во јогурт како меѓуоброк, а јаткастите плодови (бадем, лешници, ореви, бразилски и индиски ореви) можат да се искористат во утринското мусли или како меѓуоброк со суво овошје, кога ви е потребна поголема енергија. Сировиот зеленчук, во облик на салати или варен на пареа, треба исто така да биде многу вклучено во исхраната. За контрола на тежината мора да се внимава на големината на порциите. Тие не треба да се поголеми од големината на вашата дланка.