Најновите истраувања објавени во јули оваа година јасно покажуваат какво влијание имаат велосипедизмот и сличните активности врз човечките коски, кои еден ден по повеќето од овие активности стануваат доста чувствителни и подложни на кршење.

Се работи за блага ресорпција која ја доживуваат нашите коски, а сето тоа го зголемува ризикот од фрактури и остеопороза подоцна во животот. Заради овие причини спортистите, особено велосипедистите, треба да го земат предвид внесувањето на хранливи намирници кои ја чуваат густината на коските.

Постојат четири клучни намирници кои имаат директно влијание на коските, а тоа се калциумот, витаминот Д, магнезиумот и витаминот Ц.

Калциум

Калциумот е најзастапен минерал во организмот , а дури 99 проценти од него во човечкото тело е складиран во коските. Препорачаната дневна количина на калциум за возрасни мажи и жени е 1.000 милиграми, меѓутоа, огромно количество на луѓе не ја внесува оваа количина . Млекото и млечните производи се најдобар извор на калциум, а освен во овие продукти, калциумот го има во зелениот зеленчук како кељот,  репката и зелјето.

Витамин Д

Овој витамин му помага на телото да го апсорбира калциумот . Се произведува во кожата кога е изложена на сончева светлина без средства за заштита од сонце. Покрај тоа, овој витамин може да се внесе во телото преку консумирање на намирници како што се лосос и туна . Се препорачува возрасните во текот на денот да внесуваат 600 IUS ( интернационална единица ) од витаминот Д. Витамин Д исто така се содржи во млекото , јогуртот, житарките и сокот од портокал.

koski_naslovna

Магнезиум

Четвртиот најзастапен минерал во организмот, кој помага во одржувањето на силата на коските. Возрасните мажи треба дневно да внесуваат  400-420 милиграми, додека за жените се препорачува внесување на 310-320 милиграми дневно магнезиум. Магнезиумот се наоѓа во намирниците како што се грав, леќа, ореви, бадеми и млечните производи.

 

Витамин Ц

Веројатно најпопуларниот витамин во фармацевтската индустрија , може да помогне во спречувањето на фрактури на коските , а исто така го стимулира и нивниот раст. Едно истражување направено на Бејлор универзитетот покажало дека витаминот Ц може да биде подеднакво важен за коските, како и калциумот и витаминот Д. Возрасните мажи треба да внесуваат 90 милиграми витамин Ц дневно, додека за жените се препорачува доза од 75 милиграми. Сокот од портокал е одличен извор на овој витамин, а и другите агруми , брокулата, јагодите, меѓу другото, содржат големи количини на овој витамин .

 

Комбинацијата на овие намирници дефинитивно ќе им помогне на вашите коски да се справат со тешкотиите што ги чекаат во живот, и ќе им бидат голем сојузник во борбата со времето, кое неизбежно ги уништува.