Како да ја извлечете најголемата корист од кардиоваскуларните вежби?

Кардиоваскуларните вежби за повеќето од нас е задолжителни доколку сакаме да го постигнеме оној дефиниран мускулест изглед кон кој тежнееме. Многу се ретки оние кој тоа можат да го постигнат без кардио тренинзи. Освен што придонесуваат за согорување на масните наслаги, кардиоваскуларните вежби нудат и бројни други придобивки како што се на пример намалување на бројот на отчукувања на срцето, урамнотежување на крвниот притисок и нивото на холестерол. Откако ги наведовме придобивките од кардио тренингот, ајде да видиме како би можело да го направиме поефикасен и позабавен.

1. Изберете кардиоваскуларна активност која ве развеселува

Иако ова може да изгледа разбирливо само по себе, многу луѓе целосно забораваат на оваа препорака. Со избор на активност која ви се допаѓа, поголема е веројатноста истата да ја правите подолго време. Имате многу можности, од пешачање, лента за трчање, собен велосипед, степер или слични домашни справи за вежбање, аеробик, видео вежби итн… Едноставно изберете го она што ви се допаѓа и правете го тоа!

2. Изберете добра музика или партнер за вежбање

Забележете дека кога ќе изберете некоја добра музика со вежбањето не само што ќе согорите повеќе калории, туку и времето на вежбање ќе ви помине многу побрзо. Прагот на толеранција на болка ќе ви се подигне бидејќи мозокот ќе ви биде фокусиран на музиката, а не на сигналите кои ги испраќа телото. Истовремено, можете да си изберете добар партнер со кој ќе се “натпреварувате” додека вежбате.

3. Правете кардио вежби непосредно после другите вежби

Нивото на гликоген (складирани јаглехидрати) во овој момент е најнизок и на телото најлесно му е да посегне кон складираните маснотии. Доколку не можете рано науто, тогаш кардио вежбите правете ги најмалку 2 часа после јадењето, за во текот на вежбањето да согорувате само јаглехидрати. Запомнете: дури и да согорите единствено јаглехидрати, сепак тоа се калории кои инаку не би ги согориле, што значи дека во секој случај имате корист од вежбањето.

4. Кардио вежбите нека бидат во траење од најмалку 20, а максимум 45 минути

Повеќе не е подобро кога станува збор за кардио вежбите. Повеќето од вас најмногу бенефит ќе имаат доколку направат 3 серии во траење од 20-30 минути. Никогаш не надминувајте 45 минути кардио вежби, бидејќи после 45 минути се зголемува нивото на хормонот кортизол, па постои ризик да започне губењето на мускулното ткиво и заштитните масти!

5. Кардио вежбите нека бидат со разумно, а сепак предизвикувачко темпо

Доколку сте почетник, најдобро би било да ги изведувате кардиоваскуларните вежби со она темпо кое ви го дозволува телото да биде поминато во вежбање(20-45 минути). Кога вашето тело еднаш ќе се навикне на ова, можете да го забрзате вежбањето до темпо кое ќе биде повеќе предизвикувачко.

6. Доколку користите суплементи за согорување на масти кои содржат кофеин, земете ги 30 минути пред вежбањето

Доколку користите вакви препарати, земете ги 30 минути пред да почнете со кардио вежбите, бидејќи тие можат да го зголемат капацитетот на вежбање, нивото на согорување на масти и прагот на толеранција на болка. Во неколку истражувања е покажано дека кофеинот токму така делува.

7. Немојте постојано да се придржувате до истите вежби или истото времетраење на вежбањето

Вашето тело сака промени. Доколку постојано ги повторувате истите вежби не само што ќе ви стане досадно, туку, исто така, вашето тело ќе се прилагоди на нив, па ќе престане да реагира! Кога малку ќе напреднете, имајте барем 3 кардио активности кои ви се допаѓаат, за да можете да го ротирате речиси секојдневно. Освен тоа, некои денови вежбајте 20 минути со побрзо и предизвикувачко темпо, а други денови вежбајте 45 минути со лесно темпо. Со текот на времето, промените во начинот на вежбање се и повеќе од потребни!