Ако погледнете некои билдери, ќе забележите дека заедничко за сите нив се – неверојатно градени грбови. И не само во големината, туку исто и во дебелината и извајаноста на нивниот средишен дел од грбот. Ова сосема ги одделува од другите билдери. Секако, некои други професионални билдери можат да им парираат во поглед на масивната големина и ширина на средишниот дел на грбот, но не и во поглед на тој прекрасен релјеф што се гледа кај овие и што ги прави посебни.

3 причини поради кои е тешко да се постигне во целост развиен средишен дел на грбот:

  1. Не можеме да си го видиме грбот додека вежбаме. Ова доведува до потешкотија при спојувањето на умот со мускулот, која е важна во потрагата да се изгради извајана мускулна маса.

  2. Голем број вежбачи се виновни што користат слаби облици на тренинг при вежбање на нивниот грб. Наместо да се обидуваат да го,,почувствуваат,, истегнувањето и стискањето, тие ги влечат теговите од една до друга точка без било каква корист. Ова може да доведе до сериозно запоставување на грбот и во мала мерка вежбање на неговите мускули.

  3. Потребни се посебни вежби, посебна положба на телото и посебни агли при вежбањето за да се насочи кон вежбање специфично на областа каде што се наоѓа средишниот дел на грбот. Не секоја вежба за грбот делува на средишниот/долниот трапезоиден мускул и на ромбоидните мускули (кои во основа го формираат средишниот дел на грбот) онолку ефикасно колку што е тоа случај кај страничните мускули на трупот.

 

Доколку ништо од горенаведеното не се однесува на вас, и сметате дека правите корисни вежби, целосно сте фокусирани, а сепак не можете да го добиете тој добро развиен средишен дел на грбот, тогаш обидете се со следниве 3 единствени движења за да го постигнете тоа.

 

КРЕВАЊЕ ТЕГ ЗАД ГРБ

Сум видел многумина момци кои ја прават оваа вежба со тегови. Застанете исправено и со широки рамена фатете го тегот. Кренете го тегот нагоре, изведувајќи притоа напола стегање. Целта е тегот да го донесете некаде до висина на вашиот долен дел од грбот. За да го постигнете тоа, мора малку да го свиткате грбот додека го кревате тегот. Мускулите на грбот нека ви бидат напнати за да избегнете повреда и додека е горе цврсто стегнете го.

ВЛЕЧЕЊЕ САЈЛА ВО СЕДНАТА ПОЛОЖБА

 

sredisne-del-grb1

Сместете се на клупата, малку свиткајте ги колената, а торзото нека ви биде во вертикална положба. Тегнете ја сајлата кон вратот, додека лактовите ви се кон нагоре, се до страните и назад. Надлактиците за сето време нека ви останат паралелни со подот за да можете ефикасно да ја активирате мускулатурата на средишниот дел на грбот, додека во истовреме го минимизирате вежбањето на неговите странични мусклули. Пред започнувањето на секоја серија, убаво истегнете го средишниот дел. Тоа ќе го постигнете ако го држите торзото во вертикална положба и со опуштање на рамената нанапред. Стиснете ги плешките така што да се допрат една со друга цврсто.

 

СТРАНИЧНО ПОДИГАЊЕ ТЕГОВИ ВО ПОЛУСВИТКАНА ПОЛОЖБА

Оваа вежба не само што е одлична за развивање на средишниот дел на грбот, туку е одлична и за зајакнување на задните триаголни мускули. Свиткајте се во половината, така што торзото да ви биде паралелно со подот. Малку нека ви бидат свиткани и колената, така што да почувствувате малку притисок во долниот дел на грбот. Земете два лесни тега. Почнете да ги подигате рацете странично, во права линија, така што да формираат агол од 90 степени со вашето торзо. Надлактиците треба да ви бидат во висина со рамената кога рацете ви се во оваа положба, а притоа требате агресивно да го стегате средишниот дел на грбот. За оваа вежба не смеат да се користат тешки тегови, бидејќи во спротивно вежбата нема да биде правилна. Ваквото вежбање може да се изведува и во седечката положба или легнати на накосена клупа за вежбање.

 

 

 

Вљубеничка во здравата исхрана и науката, сака да чита литература од разни жанрови и обожава медицина