Како што поминуваат годините, доброто држење повеќе ќе придонесе за младешкиот изглед од фејс лифтингот или ботоксот. И, што е уште поважно, ги оддржува нашите коски здрави. Иако може да се чини дека подгрбавеното држење оди рака под рака со стареењето, можете да си помогнете со превенција на закривувањето на рбетот, кој настанува како последица од остеопороза и од уништувањето на пршлените во горниот и средниот дел на ‘рбетот. Еве некои совети како да го задржите исправеното држење во секоја старосна возраст.

Протегнете се

Денес, кога многумина од нас ги минуваат деновите подгрбавени пред компјутерите, многу е важно да се протегнеме и да го подобриме нашиот распон на движења. Ова го тврди Џонатан Ф. Бин, доцен на одделот за физикална медицина и рехабилитација на Харвард, Бостон, САД. За да останеме свитливи, треба да се обидуваме да стануваме на неколку минути на секој половина час и да се протегнеме, да одиме или да стоиме.

Лесни вежби

Обидете се да ја направите следнава вежба: секое утро и вечер, легнете на под и бавно праветеангели во снегсо рацете, на две или три минути. За дополнителен предизвик, замотајте една крпа и ставете го на подот под рбетот. Но, ова растегнување мора да го правите бавно и да престанете штом ќе почувствувате било што полошо од мала непријатност или болка. Мора прво да се уверите дека сте се здобиле со флексибилност.

Седете рамно

Кога мора да работите на маса, седењето во добра положба, со подигнати рамења е добра навика која може да се стекне. Може да потрае додека да се навикнете; вежбите за дисциплина кои се фокусираат на свеста во телото, како што се пилатесот и јогата, може да ви помогнат да останете да седите рамно. Осигурете се просторот во кој работите да биде соодветен за поттикнување на правилно држење.

Зајакнете гоjадрото

Пилатесот и јогата се одлични начини за да ја изградите силата на мускулите околу трупот и карлицата. Овие мускули го сочинуваат темелот на доброто држење, додека силното јадро може да има многу други погодности, од подобрување на спортските изведби до спречување на инконтиненција на урината.

 

Погрижете се за својот рбет

По менопаузата, жените можат да имаат поголемо слабеење на мускулите околу рбетот од мажите кои стареат. Вежбите насочени кон вратот, грбот, градните и страничните мускули се најважни. Може да се обратите за помош на професионален тренер, а во теретаните постојат справи кои делувата на овие мускули. Издржливоста на мускулните групи на рбетот и на трупот е исто така многу важна. Тоа е она кое ни овозможува стаување после долг временски период без да не заболи грбот.

 

Витамин Д

Витаминот Д е клучен за здравјето на коските и може исто така да помогне за оддржување на мускулите. Обидете се да го добивате по пат на здрава исхрана. Неодамнешното известување на Институтот по медицина покажало дека повеќето од нас добиваат доволно од овој витамин од храната и од сончевата светлина, бз земање на додатоци во исхраната. Препорачаната количина од овој витамин преку исхраната е 600 IU/на ден за жени до 70 години, а 800 IU/на ден за жени постари од 70 години.

Јадете здраво

Сите ја знаеме полезноста од калциумот за коските. Се препорачува жените од 19 до 50 години да земаат по 1000 милиграми калциум дневно. За постарите жени, тоа е 1200 милиграми. Но сепак, подобро е да се добие калциумот од храната, отколку преку додатоци. Истражувањата покажале дека оние кои земаат додатоци на калциум имаат поголема стапка на срцеви проблеи и бубрежни камења. Затоа, разговарајте со својот доктор за тоа дали треба или не да земате дополнителен калциум.

Вљубеничка во здравата исхрана и науката, сака да чита литература од разни жанрови и обожава медицина