Интервален тренинг наспроти традиционален кардио тренинг

Порано се сметаше дека најефикасни методи за топење на вишокот килограми се традиционалните, постојани кардио вежби, како што се трчањето, одењето, велосипедизмот и пливањето. Но, денес, со се поголемиот број на луѓе кои применуваат високоинтензивни интервални тренинзи, се поставува прашањето дали ова е навистина многу подобар и поефикасен метод за губење на абдоминалните масни наслаги. Ова е многу важно и неопходно ако сакате да останете здрави, бидејќи абдоминалните масни наслаги често водат до кардиоваскуларни и метаболички болести.

Временска ефикасност

Високоинтензивниот интервален тренинг најчесто се состои од интензивни, куси вежби, кои траат од 10 секунди до 4 минути, и периоди на опуштање, од 30 секудни до 1 минута, кои дозволаат да се дојде до здив помеѓу вежбите. Со ваквиот тренинг се постигнуваат подобри резултати и се минува помалку време на вежбање. Истражувањето објавено во списанието “International Journal of Obesity”, во 2008 година, го проучувало интервалниот тренинг кај група вежбачи на статичен велосипед околу 20 минути и кај друга група вежбачи кои исто таака вежбале на статичен велосипед без прекин, околу 40 минути. Првата група се загреала, се оладила и направила 30 вртења со по 8 секунди спринт и 12 секунди одмор на ергометар во горенаведените 20 минути. Резултатите покажуваат дека првата група согорела многу повеќе калории и загубила повеќе масти на абдоменот од втората група, покажувајќи со тоа дека интервалниот тренинг зачувува време и во исто време е поефикасен.

Потиснување на апетитот

Некои луѓе тврдат дека интервалниот тренинг исто така придонесуба за губење на килограмите преку потиснување на апетитот. Иако многу истражувања треба уште да се направат поврзано со овие тврдења, една студија покажала дека кардио тренингот го потиснува апетитот, но за кус временски период. Така, ова навистина ги подобрува вашите шанси за да не надоместите за сите согорени калории во тренингот.

Разновидност

Со континуирано правење на истите кардио вежби со ист интензитет, вашето тело ќе се навикне на овие вежби и бројот на согорени калории ќе почне да се намалува.

Ова придонесува само за одложување на губењето на стомачните масти, што пак не е случај со интервалниот тренинг. Кај интервалниот тренинг имате многу опции за бирање и исто така да го адаптирате неговото траење и периодите на одмор. На овој начин ќе го предизвикате своето тело и ќе ви ги направи вежбите многу поинтересни и попривлечни за правење.

Мерки на претпазливост

И покрај тоа што студиите покажале дека интервалниот тренинг може да биде поефикасен и попривлечен кога се работи за губењето на мастите на стомакот, сепак треба да се изведува двапати неделно. Доколку ги изведувате почесто, телото нема да ви има време за да закрепне и нема да може да се носи со интензитетот на вежбите. Ова само ќе доведе до помала ефикасност. Во случај да имате било какви здравствени тегоби или сте склони кон мускулно – скелетни повреди, консултирајте се си вашиот доктор за тоа кои вежби се добри за вас.