Идеални вежби за болни од артритис

Вежбањето ги намалува болките во зглобовите и нивната крутост, а ја подобрува флексибилноста, мобилноста, расположението и вкупното доживување. Вежбањето ќе ги зајакне мускулите кои ги обвиткуваат зглобовите. Да кажеме, повеќето луѓе имаат проблем со колената, а со помош на вежбање со правилен интензитет таа болка ќе се намали за 50%.

Како да се започне со вежбање?

Консултациите со доктор се задолжителни. Обидете се да најдете личен тренер, бидејќи на тој начин побезболно и со помалку страв ќе почнете да напредувате. Губењето на тежината ќе помогне за полесно да ја држите болеста под контрола и да ги ублажите болките. Вежбањето нека ви стане секојдневен ритам.

Вежбање во вода

Водата е фантастична средина за вежбање со низок интензитет. Ова посебно важи кога нејзината температура е помеѓу 27 и 31 степен. Зголемувањето на циркулацијата е еден од бенефитите од ваквата физичка активност.

Нејзината пловност овозможува голем дел од масата на телото да не врши притисок врз зглобовите. Водата ќе создава и отпор врз мускулите, кои ќе почнат забрзано да се развиваат. Водата е одлична како средина за масажа и опуштање. Низ неа може и да се оди, а и тоа е одличен начин за да се поправат здравјето и кондицијата.

Вежбање со отпор за сила

Теретаната мозе да биде забавно и инспиративно место за физичка активност, без разлика на вашата возраст, таму ќе ја пронајдете сета неопходна опрема за вежбање и тренинг на силата. Ваквиот вид активност ќе ги намали болките и ќе ја зголеми мускулната сила.

Може да се започне со изометриски вежби, а подоцна да се премине на изотонични, односно на вежби во кои ќе се поместува зглобот. Ако не сте сигурни, побарајте личен тренер и со него придвижете го организмот, без страв дека ќе се повредите.

Јогата може да биде одлична

Јогата е древен облик на вежбање. Праксата ги обединува движењето и дишењето и може да ја намали крутоста и напнатоста во зглобовите. Сепак, одредени јога положби можат да бидат штетни. Мора да пронајдете инструктори кои имаат искуство со луѓе кои боледуваат од оваа состојба.

Статичен велосдипед или возење велосипед надвор

Велосипедизмот е одличен начин за поправање на расположението, а во исто време и за придвижување на колковите, колената и скочниот зглоб. Во зимските месеци може да се практикува статичен велосипед.

Ако е ова ново за вас, тогаш почнете со мали временски интервали од по 10 минути. Со тек на време издржливоста ќе се зголеми. Почнете полека и напредувајте полека. Ако болката ви се влошува, прекинете со оваа активност.

Трчање

Тоа што имате артритис не значи нужно дека трчањето ќе ви пречи. Постојат ситуации во коишто и тоа се има покажано како добро. Патиките за трчање мора да бидат професионални. Местото каде ќе трчате треба да биде меко. Или да биде лента за трчање, трева или некоја патека изработен од специјална подлога од рециклирана гума.

Задолжително практикувајте истегнување на крај од трчањето, секој ден.

Само мал број болни од артритис можат да практикуваат трчање на безбеден начин.затоа. Доколку почувствувате дека овој вид на активност е премногу за вас, прво почекајте да ви се поправи формата и по неколку месеци обидете се пак.

Почнете со часови по танцување

Танцувањето е одлична работа која воедно е друштвена и инспирира на радост. Доколку првпат танцувате, обратете внимание на чевлите.

Стомачниот танц е нова активност која помага во ублажување на болката во зглобовите. Овој вид танц ќе ви биде нешто ново и за вашиот организам и за вашите зглобови. Слободно опуштете се и мрдајте со колковите и телото.