Хроно исхрана според доктор Грифин
Првиот принцип на хрононутрицијата (хроно исхрана) ја има осмислено доктор Ален Делабоа, француски нутриционист од осумдесеттите години на минатиот век, кој се заснова на почитување на законитостите на природните ритмови на лачење на хормоните и ензимите во нашиот организам. Некои ензими се излачуваат наутро, некои напладне, трети навечер, што значи дека одделни намирници спонтано лесно се варат во одредено доба од денот, па тогаш и треба да ги јадеме.
Американската докторка Гифинг не била задоволна од конечните добиени резултати, така што со многу промени дошла до своја лична програма која почнала да ја применува врз своите пациенти во здравствениот центар од 2005 година, а официјално е регистрирана и патентирана во 2009 година под името Хроно Исхрана на доктор Гифинг. Оваа програма е единствена по тоа што им помага на луѓето да дојдат до идеалната тежина, а со самото тоа и да си го подобрат сопственото здравје. Освен што постои програма за губење на килограмите, исто така постои и програма и за зголемување на телесната маса. Прилагодена е и за вегетаријанска исхрана, за вегани, посна исхрана и за деца во развој, како и за бремени жени, па и за сите болести. Еве како изгледа еден Хроно ден:
Рестрикција – (која трае минимум 28 дена или 4 недели).
Тоа е времето кое му е доволно на организмот за да се исчисти од токсините. За некои е најважно да го исчистта организмот од белиот шеќер, белото брашно и да научат кои намирници кога треба да се консумираат, во кој дел од денот. За некои други е исто така важно да научат во тој период во кое време да се напијат кафе, во која количина и кој вид на кафе. Пушачите треба да научат кога не е најдобро време да запалат цигара, ако веќе не сакаат да се откажат од цигарите.
Денот започнува со чаша млака вода и малку исцеден лимон
Овде се почитува физичката активност од половина час. Потоа се пие уште една чаша, но овојпат билен чај, а дури потоа се преминува на подготовка на појадокот. За половина час појадокот готов и може да се појадува. Појадокот треба да биде обилен и пожелно е да има јахленохидрат, како на пример леб, кој е според принципите на хроно исхраната, путер, некое посно месо или јајца и салата. Во никој случај не е добро да се биде гладен до ручекот, па затоа е пожелно појадокот да биде обилен, затоа што треба да се издржи 5,5 часа без храна, а грицкањето меѓу оброците е забрането.
Појадок – месото и лебот треба да го појадувате секој ден за појадок, а млечните производи треба да бидат застапени 3-4 пати неделно, јајца цели – 8 неделно, белки неограничено. Во млечни производи спаѓаат само киселото млеко (најдобро сами да го направите, за да не содржи шеќери, адитиви и скроб), младо сирење и млада моцарела. Дозволен е и кефир, но исто така ваш домашен.Ништо друго од млечните производи не смее да се консумира, а леб и млечен производ во комбинација се дозволени само за појадок.
Ручек – ако научите да ги комбинирате намирниците, ручекот треба да биде разновиден. Еден оброк треба да се состои од месо, сиров или варен зеленчук и обавезно салата по желба. Исто така, треба да се испие по една чаша вода (никако од фрижидер) половина час пред и по ручекот. Изедете онолку колку што мислите дека ќе ви биде доволно до вечерата. Никако немојте да бидете гладни меѓу оброците, бидејќи тогаш телоот почнува да ги троши мускулите, а ги чува мастите.
Вечера – таа треба да е едноставна и лесна. Јадете само за да го задоволите гладот. Нека биде што поедноставна, еден лесен протеин и некој зелен, бел или жолт зеленчук. Тоа може да биде белка, бело месо, риба… За вечера не смее да се јаде ништо што е црвен зеленчук, бидејќи тоа има поголем глихемиски индекс. Најдобар избор е еден протеин и еден зеленчук. Никако не легнувајте веднаш по вечерата, нека помине барем 1,5 час.
