Храна со негативни калории
Доколку сакате да ослабнете, не би требало да гладувате. Напротив, јадете ја оваа храна со негативни калории, што значи дека можете да сакате од неа колку што ви душа сака, а притоа ќе слабеете.
Досега сигурно верувавте дека можете да ги загубите вишокот килограми само ако одбегнувате одредена храна, но всушност постои и храна од која ќе ослабнете поради содржината на негативни калории во неа.
Која храна има негативни калории?
Во оваа група на намирници спаѓаат оние кои имаат низок гликемиски индекс, а голем процент на влакна . Тоа значи дека тука можеме да ги ставиме овошјето и зеленчукот кои ни го забрзуваат метаболизмот и кои произведуваат ензими со цел трошење на насобраните резерви.
Се препорачуваат следниве зеленчуци: боранија, цвекло, кељ, зелка, моркови, карфиол, целер, ротквици, грашок, праз, зелена салата, спанаќ и домати.
Се препорачуваат следниве овошја: јаболки, боровинки, брусница, грејпфрут, лимони, лимети и малини.
Се препорачуваат следниве зачини: цимет, каранфилче, чилич коријандер, ленено семе, лук, кромид и магдонос.
Сите наведени намирници имаат позитивен ефект врз организмот, а некои од погодностите од нивното консумирање се:
– Подобрување на метаболизмот
– Зголемување на нивото на енергија
– Стабилизирање на нивото на шеќер во крвта
– Подобрување на варењето и прочистување на цревата
– Прочистување на црниот дроб и поефикасно трошење на мастите
– Спречување на воспаленија во организмот
– Намалување на нивото на холестерол во крвта
– Подобрување на концентрацијата
– Елиминирање на стресот, нервозата и депресијата
– Подобрување на сонот
– Подмладување на кожата, косата и ноктите
Она што е важно доколку сакате да ослабнете е да внесувате барем по килограм од горенаведените намирници секој ден. Најдобро е да ги консумирате свежи и необработени.
Домати
Еден домат содржи околу 22 калории, а телото за негова обработка троши 66 калории. Содржи повеќе од 90% вода, како и мали количини јагленохидрати, белковини и масти, а е богат со витамините Ц, Б, Е и К и ликопен.
Целер
Еден целер има само шест калории, а телото за негово разградување троши 50 калории. Тој е богат со влакна и е одличен извор на витамин К, антиоксиданс кумарин и витамин Б комплекс.
Моркови
Околу 100 гр. моркови содржат 4 калории. Телото троши 60 калории за да ги разгради. Одличен извор е на витамин А, диетални влакна, витамин Ц и калиум.
Грејпфрут
Само 32 калории имаат 100 гр. грејпфрут, а на телото му се потребни двојно повеќе за да ги свари. Ова здраво овошје е познат сојузник во слабеењето, бидејќи ги напаѓа масните клетки, а е богат со витамини Ц, Б6, тиамин, рибофлавин и влакна.
Ротквици
Една голема ротквица содржи само една калории, а на телото му се потребни барем три калории за да ја разгрдаи. Одличен извор е на витамин Ц, а благодарение на своите својства го поттикнува согорувањето на масни наслаги во телото.
Зелка
Во 100 гр. зелка има само 20 калории, а на телото тројно повеќе му се потребни за да ги разгради. Одличен извор е на витмаин Ц, бета каротен и витаминот А, но содржи и минерали.
Зелена салата
Една чинија зелена салата содржи околу осум калории, а со оглед што во најголем дел се состои од вода, на телото ќе му биде потребно тројно повеќе енергија за да ја разгради. Зелената салата е богата со железо, магнезиум и витамини, па е задолжителна во секоја здрава исхрана.