Домашна чоколада со рогач
Состојки:
- 50 гр. какао путер
- 30 гр. кокосов путер
- 7 супени лажици органски рогач во прав
- 2 супени лажици органско какао во прав
- 1 лажичка цимет
- 1 лажичка екстракт од ванила
- 1 лажичка мед или сируп од агава
- сушени гоџи бобинки
- крупно сецкани бадеми
Подготовка:
На пареа, во помал сад (кој е ставен над поголем сад со врела вода) растопете ги какао путерот и кокосовиот путер. Додадете ги рогачот и какаото во прав, ванилата, циметот и медот и добро измешајте. Обложете некој помал калап за печење со хартија за печење и излејте ја смесата. Исечкајте ги на крупно бадемите и со нив и со гоџи бобинките посипете ја смесата одозгора. Чоколадата ставете ја во фрижидер за да се стегне. Пред послужување исечете ja или искршете ја на парчиња во посакуваниот облик.